દક્ષિણ કોરિયામાં 6 કલાક સુધી માર્શલ લો રહ્યો, મુખ્ય વિપક્ષી પાર્ટીએ રાષ્ટ્રપતિના રાજીનામાની કરી માગ

એક ટેલિવિઝન સંબોધનમાં ઇમરજન્સી માર્શલ લો જાહેર કર્યો

દક્ષિણ કોરિયાની મુખ્ય વિપક્ષી ડેમોક્રેટિક પાર્ટી (DP) એ 3 ડિસેમ્બરે રાષ્ટ્રપતિ યુન સુક યેઓલને તાત્કાલિક પદ છોડવાની માંગ કરી હતી. અગાઉ નેશનલ એસેમ્બલીએ તેમની માર્શલ લોની ઘોષણાને સર્વસંમતિથી નકારી કાઢી હતી. જેના કારણે છ કલાક બાદ જ માર્શલ લો હટાવી દેવામાં આવ્યો હતો. નેશનલ એસેમ્બલીમાં તેના ધારાશાસ્ત્રીઓની કટોકટીની બેઠક દરમિયાન ડીપીએ જાહેરાત કરી કે તે તરત જ યૂન પર મહાભિયોગની પ્રક્રિયા શરૂ કરશે, જ્યાં સુધી તે પદ છોડશે નહીં. 

એક ટેલિવિઝન સંબોધનમાં ઇમરજન્સી માર્શલ લો જાહેર કર્યો

ડીપીએ તેના પ્રસ્તાવમાં કહ્યું કે, યુએન દ્વારા માર્શલ લોની ઘોષણા એ બંધારણનું સ્પષ્ટ ઉલ્લંઘન છે. યુન માર્શલ લો જાહેર કરવાની કોઈપણ આવશ્યકતાઓનું પાલન કરવામાં નિષ્ફળ ગયા. આ બળવોનું ગંભીર કાર્ય છે અને મહાભિયોગનું સંપૂર્ણ કારણ છે. યુને મંગળવારે મોડી રાત્રે એક ટેલિવિઝન સંબોધનમાં ઇમરજન્સી માર્શલ લો જાહેર કર્યો હતો. તો દેશના વિપક્ષ પર રાજ્ય વિરોધી પ્રવૃત્તિઓથી સરકારને લકવાગ્રસ્ત કરવાનો આરોપ મૂક્યો.

વિપક્ષ રાષ્ટ્રપતિના કામમાં કથિત રીતે હસ્તક્ષેપ કરી રહ્યો

દક્ષિણ કોરિયાની સંસદમાં કુલ 300 બેઠકો છે. 2024 માં યોજાયેલી ચૂંટણીમાં જનતાએ વિરોધ પક્ષ ડીપીને જંગી જનાદેશ આપ્યો હતો. જ્યારે સત્તાધારી પીપલ પાવરને માત્ર 108 બેઠકો મળી હતી. ત્યારથી, વિપક્ષ રાષ્ટ્રપતિના કામમાં કથિત રીતે હસ્તક્ષેપ કરી રહ્યો હતો. તેમ રાષ્ટ્રપતિએ પણ તેમના સંબોધનમાં કહ્યું હતું. રાષ્ટ્રપતિ યોલે 2022 માં જીત્યા હતા, જોકે તેઓ નાના માર્જિનથી જીત્યા હતા. તેમની લોકપ્રિયતા સતત ઘટી રહી હતી.