ભુતાનના રાજા ભારતની બે દિવસીય મુલાકાતે દિલ્હી પહોંચ્યા, વિદેશ મંત્રીએ તેમનું કર્યું સ્વાગત

1968 માં ઔપચારિક રાજદ્વારી સંબંધોની સ્થાપના કરવામાં આવી હતી

ભૂટાનના રાજા જિગ્મે ખેસર નામગ્યેલ વાંગચુક બે દિવસીય ભારતની મુલાકાતે આવ્યા છે. નવી દિલ્હી પર નરેશ ખેસરનું વિદેશ મંત્રી એસ. જયશંકરે ઉષ્માભર્યું સ્વાગત કર્યું. તેમની સાથે રાણી જેત્સુન પેમા વાંગચુક અને વરિષ્ઠ અધિકારીઓ પણ હતા. રાજા રાજદ્વારી સંબંધોની સમીક્ષા કરવા માટે ભારતીય નેતૃત્વ સાથે ઘણી દ્વિપક્ષીય બેઠકો કરશે. વિદેશ મંત્રાલય (MEA) દ્વારા જારી કરાયેલા સત્તાવાર પ્રેસ નિવેદનમાં કહેવામાં આવ્યું છે કે આ ઉચ્ચ સ્તરીય મુલાકાત બંને પાડોશી દેશ વચ્ચેના ગાઢ સંબંધો અને પરસ્પર આદરનું પ્રતીક છે. બંને દેશ વચ્ચે ચાલી રહેલી ઉચ્ચ સ્તરીય બેઠકોમાં વધુ એક અધ્યાય ઉમેરતા ભૂટાનના રાજા અને પ્રધાનમંત્રી નરેન્દ્ર મોદીને પણ મળશે. આ સિવાય જયશંકર અને ભારત સરકારના અન્ય વરિષ્ઠ અધિકારીઓ ભૂટાનના રાજાને મળવાના છે. 

1968 માં ઔપચારિક રાજદ્વારી સંબંધોની સ્થાપના કરવામાં આવી હતી

ભારત અને ભૂટાન અસાધારણ અને અનુકરણીય સંબંધો ધરાવે છે, જે પરસ્પર વિશ્વાસ, સદ્ભાવના અને સમજણ પર આધારિત છે. આ સંબંધોનો પાયો 1949 નો છે, જ્યારે બંને દેશોએ મિત્રતા અને સહકારની સંધિ પર હસ્તાક્ષર કર્યા હતા. જે વિકસતી ગતિશીલતાને પ્રતિબિંબિત કરવા ફેબ્રુઆરી 2007 માં નવીકરણ કરવામાં આવી હતી. 1968 માં ઔપચારિક રાજદ્વારી સંબંધોની સ્થાપના કરવામાં આવી હતી, જે આ કાયમી ભાગીદારીને વધુ મજબૂત બનાવે છે.

શિક્ષણ અને અવકાશ તકનીક જેવા ઉભરતા ક્ષેત્રોનો પણ સમાવેશ થાય છે

બંને દેશો વચ્ચેના દ્વિપક્ષીય સંબંધોની એક નોંધપાત્ર વિશેષતા તેમની આર્થિક પરસ્પર નિર્ભરતા છે. ભૂતાનમાં બાંધકામ, શિક્ષણ અને વિવિધ પ્રોજેક્ટ્સમાં લગભગ 50,000 ભારતીય નાગરિકો કાર્યરત છે. કેટલાક કામદારો રોજબરોજ તેમની નોકરી માટે ભારતથી ભૂટાનના સરહદી શહેરોમાં મુસાફરી કરે છે. આ એકીકરણ બંને દેશો વચ્ચે સહકારની ઊંડાઈ અને વહેંચાયેલ સમૃદ્ધિને દર્શાવે છે. તાજેતરના વર્ષોમાં સહકારનો અવકાશ નોંધપાત્ર રીતે વિસ્તર્યો છે. જેમાં હાઇડ્રોપાવર જેવા પરંપરાગત ક્ષેત્રોથી આગળ વધીને ડિજિટલ ઇન્ફ્રાસ્ટ્રક્ચર, શિક્ષણ અને અવકાશ તકનીક જેવા ઉભરતા ક્ષેત્રોનો પણ સમાવેશ થાય છે.

ભારત-ભૂતાન SAT નવેમ્બર 2022 માં શરૂ કરવામાં આવી હતી

ભૂટાન એ BHIM એપ અપનાવનાર બીજો દેશ બન્યો છે. જે નાણાકીય સંબંધોને સરળ બનાવે છે અને ભારતે ભૂટાનની ડિજિટલ ડ્રુકયુલ પહેલને સમર્થન આપ્યું છે. જેનો હેતુ તમામ 20 જિલ્લામાં મજબૂત ઓપ્ટિકલ ફાઈબર નેટવર્ક બનાવવાનો છે. અવકાશ સહકાર એ સહકારનું બીજું આશાસ્પદ ક્ષેત્ર છે. ભારતના પીએમની 2019 ની ભૂટાનની મુલાકાત બાદ સંયુક્ત રીતે વિકસિત ભારત-ભૂતાન SAT નવેમ્બર 2022 માં શરૂ કરવામાં આવી હતી.