પોલેન્ડ : આવતીકાલે ડોનાલ્ડ ટસ્ક નવી સરકારના પ્રધાનમંત્રી તરીકે શપથ લેશે

પોલેન્ડની સંસદના સભ્યોએ ગઈકાલે ડોનાલ્ડ ટસ્કને પોલેન્ડના પ્રધાનમંત્રી બનવા માટે સમર્થન આપ્યું હતું કારણ કે વર્તમાન નેતા મેટ્યુઝ મોરોવસ્કીએ વિશ્વાસનો મત ગુમાવ્યો હતો. મીડિયા રિપોર્ટ્સ અનુસાર, યુરોપિયન કાઉન્સિલના પૂર્વ પ્રમુખના નેતૃત્વમાં વિપક્ષી પાર્ટીઓના ગઠબંધનએ 15 ઓક્ટોબરે યોજાયેલી ચૂંટણીમાં જીત મેળવી હતી.

નોંધનીય છે કે લગભગ બે મહિના પછી, 201 મતના જવાબમાં, તેમની તરફેણમાં 248 મત પડ્યા હતા, જેનાથી તેમની વાપસીનો માર્ગ મોકળો થયો હતો. સાંસદોને સંબોધતા ડોનાલ્ડ ટસ્કે કહ્યું કે તેઓ પોલેન્ડના લોકોનો આભાર માનવા માંગે છે.

આજે સંસદમાં ટસ્ક તેમની કેબિનેટની સાથે તેમના શાસનના કાર્યક્રમની રૂપરેખા આપશે. આ પછી, પોલિશ સંસદના સભ્યો વિશ્વાસનો મત રજૂ કરશે. પોલેન્ડના રાષ્ટ્રપતિ એન્ડ્રેજ ડુડાના કાર્યાલયે જણાવ્યું હતું કે, નવી સરકારનો શપથ ગ્રહણ સમારોહ આવતીકાલે સવારે યોજાશે.