ભારતીય અધિકારીઓને ફસાવવા ISIની સાયકોલોજિસ્ટ્સની ફોજ મેદાનમાં

નવી દિલ્હી: ભારતીય અધિકારીઓને ટાર્ગેટ કરવા માટે પાકિસ્તાનની ગુપ્તચર સંસ્થા ISI એ પોતાની હની-ટ્રેપ મોડસ ઓપરેન્ડીમાં મોટો અને ખતરનાક બદલાવ કર્યો છે. હવે નાણાં કે ધમકી આપવાને બદલે ISI અધિકારીઓના મન અને માનસિક નબળાઈઓ સાથે ખેલી રહી છે. સંવેદનશીલ માહિતી ધરાવતા ભારતીય અધિકારીઓને પોતાની જાળમાં ફસાવવા માટે ISI એ ખાસ તાલીમબદ્ધ મનોવૈજ્ઞાનિકોની ભરતી શરૂ કરી છે.

નવી દિલ્હી: ભારતીય અધિકારીઓને ટાર્ગેટ કરવા માટે પાકિસ્તાનની ગુપ્તચર સંસ્થા ISI એ પોતાની 'હની-ટ્રેપ' મોડસ ઓપરેન્ડીમાં મોટો અને ખતરનાક બદલાવ કર્યો છે. હવે નાણાં કે ધમકી આપવાને બદલે ISI અધિકારીઓના મન અને માનસિક નબળાઈઓ સાથે ખેલી રહી છે. સંવેદનશીલ માહિતી ધરાવતા ભારતીય અધિકારીઓને પોતાની જાળમાં ફસાવવા માટે ISI એ ખાસ તાલીમબદ્ધ મનોવૈજ્ઞાનિકો (Psychologists) ની ભરતી શરૂ કરી છે.

કેવી રીતે કામ કરે છે ISIની આ નવી 'સાયકોલોજિકલ ગેમ'?

ઇન્ટેલિજન્સ બ્યુરો (IB) ના અધિકારીઓના જણાવ્યા અનુસાર, આ નવી જાળવણી અત્યંત ચાલાકીપૂર્વક તૈયાર કરવામાં આવી છે:

• ફેક આઇડી અને સોશિયલ મીડિયા મોનિટરિંગ: ISI દ્વારા રોકાયેલા સાયકોલોજિસ્ટ્સ મહિલા નામોથી સોશિયલ મીડિયા એકાઉન્ટ્સ બનાવે છે. તેઓ સોશિયલ મીડિયા પર પોતાની હતાશા કે અંગત સમસ્યાઓ વ્યક્ત કરતા અધિકારીઓને ટાર્ગેટ બનાવે છે અને તેમની પોસ્ટ્સનું ઊંડું વિશ્લેષણ કરે છે.

• સહાનુભૂતિથી વિશ્વાસ સંપાદન: પ્રોફેશનલ સાયકોલોજિસ્ટ હોવાને કારણે તેઓ અધિકારીઓની માનસિક સ્થિતિને સરળતાથી સમજી લે છે. શરૂઆતમાં તેઓ ખૂબ જ સહાનુભૂતિ દાખવીને વાતો કરે છે અને 2 થી 3 મહિના સુધી સતત ચેટિંગ કરીને તેમનો સંપૂર્ણ વિશ્વાસ જીતી લે છે.

• ચાઇનીઝ માલવેર અને સ્પાયવેર: એકવાર સંપૂર્ણ વિશ્વાસ જામી જાય એટલે આ અધિકારીઓને તેમની સિસ્ટમમાં ખાસ એપ્લિકેશન્સ ઇન્સ્ટોલ કરવા માટે કહેવામાં આવે છે. આ એપ્સમાં ચીની મૂળના ખતરનાક સ્પાયવેર અને માલવેર હોય છે, જે સિસ્ટમમાંથી ગુપ્ત ડેટા લીક કરે છે.

પૈસા નહીં, અંગત મજબૂરી બન્યું નવું હથિયાર

તપાસ એજન્સીઓના મતે, હવે હની-ટ્રેપમાં પૈસાની લાલચ કે બ્લેકમેઇલિંગ ગૌણ બની ગયા છે. ISI એ અનુભવ્યું છે કે અધિકારીઓની અંગત સમસ્યાઓ, એકલતા, આકર્ષણ અને મનની નબળાઈઓનો ઉપયોગ કરીને તેમની પાસેથી ગુપ્ત માહિતી કઢાવવી વધુ સરળ છે. અધિકારીને ખ્યાલ આવે તે પહેલાં જ ડિજિટલ માધ્યમોથી સંવેદનશીલ માહિતી સરહદ પાર પહોંચી જાય છે.

તમામ સુરક્ષા માર્ગદર્શિકાઓ અને ચેતવણીઓ છતાં પણ અધિકારીઓ આ મનોવૈજ્ઞાનિક જાળમાં ફસાઈ રહ્યા હોવાથી ભારતીય સુરક્ષા એજન્સીઓ માટે આ નવો મોડસ ઓપરેન્ડી ચિંતાનો વિષય બન્યો છે.