ભારત-રશિયાના સંબંધોને વધુ મજબૂતી: ડૉ. એસ. જયશંકર આજે મોસ્કોમાં સર્ગેઈ લાવરોવને મળશે

ભારત-રશિયાના સંબંધોને વધુ મજબૂતી: ડૉ. એસ. જયશંકર આજે મોસ્કોમાં સર્ગેઈ લાવરોવને મળશે

ભારતના વિદેશમંત્રી ડૉ. એસ. જયશંકર આજે રશિયાની રાજધાની મોસ્કો ખાતે તેમના રશિયન સમકક્ષ સર્ગેઈ લાવરોવ સાથે મહત્વપૂર્ણ દ્વિપક્ષીય બેઠક યોજશે. આ મુલાકાત બંને દેશોના લાંબા સમયથી ચાલી આવતા અને વ્યૂહાત્મક સંબંધોને વધુ મજબૂત કરવા માટે નિર્ણાયક માનવામાં આવે છે.

બંને દેશના ટોચના રાજદ્વારીઓ આ બેઠકમાં કેટલાક મુખ્ય દ્વિપક્ષીય અને આંતરરાષ્ટ્રીય મુદ્દાઓ પર ગહન ચર્ચા કરશે, જેમાં મુખ્યત્વે: બંને દેશો વચ્ચે આર્થિક અને ઊર્જા ભાગીદારીને વધુ વધારવાના માર્ગો, લાંબા સમયથી ચાલી આવતા સંરક્ષણ સંબંધો અને નવા પ્રોજેક્ટ્સ પર વિચાર વિમર્શ, પ્રાદેશિક સ્તરે સ્થિરતા અને સુરક્ષા સંબંધિત મુદ્દાઓ, બહુધ્રુવીય વિશ્વ વ્યવસ્થા પર ચર્ચા કરશે.

દ્વિપક્ષીય મુદ્દાઓ ઉપરાંત, બેઠકમાં બહુધ્રુવીય વિશ્વ વ્યવસ્થા અને વર્તમાન આંતરરાષ્ટ્રીય તણાવો પર પણ ચર્ચા થવાની સંભાવના છે. ભારત અને રશિયા બહુધ્રુવીય વિશ્વ વ્યવસ્થામાં ગાઢ સહયોગ જાળવી રહ્યા છે, અને આ બેઠક વૈશ્વિક પડકારો વચ્ચે બંને દેશોના સહિયારા દ્રષ્ટિકોણને વધુ સ્પષ્ટ કરશે. આ ઉચ્ચ-સ્તરીય મુલાકાત ભારત-રશિયાના રણનૈતિક સંબંધોની સ્થિરતા અને મહત્ત્વને રેખાંકિત કરે છે.