સાઉદી અરબઃ બસ-ટેન્કર વચ્ચે ગંભીર અકસ્માતમાં અનેક ભારતીયોનાં મોત

સાઉદી અરબઃ બસ-ટેન્કર વચ્ચે ગંભીર અકસ્માતમાં અનેક ભારતીયોનાં મોત

રવિવારે રાત્રે ભારતીય સમય મુજબ રાત્રે લગભગ 1:30 વાગ્યે મક્કાથી મદીના જઈ રહેલી ભારતીય ઉમરાહ યાત્રાળુઓને લઈ જતી બસ ડીઝલ ટેન્કર સાથે અથડાઈ હતી. ટક્કર બાદ બસમાં આગ લાગી ગઈ હતી. આ અકસ્માતમાં અનેક લોકોના મોત થયા હોવાની આશંકા છે, જેમાં બાળકોનો પણ સમાવેશ થાય છે. સ્થાનિક અધિકારીઓએ હજુ સુધી સંખ્યાની પુષ્ટિ કરી નથી.
 
માહિતી મળતાં જ સાઉદી સિવિલ ડિફેન્સ અને પોલીસ ટીમો ઘટનાસ્થળે પહોંચી હતી. ભારતીય અધિકારીઓ અને ઉમરાહ એજન્સીના પ્રતિનિધિઓ પીડિતોના પરિવારો સાથે સંકલન કરવાનો પ્રયાસ કરી રહ્યા છે. ભારતના હૈદરાબાદમાં યાત્રાળુઓના સંબંધીઓ ચિંતિત છે અને ટ્રાવેલ ઓપરેટરો અને અધિકારીઓનો સંપર્ક કરી રહ્યા છે. તેલંગાણાના મુખ્યમંત્રી એ. રેવંત રેડ્ડીએ અકસ્માત પર ઊંડો શોક વ્યક્ત કર્યો હતો. તેમણે કહ્યું હતું કે કેટલાક પીડિતો હૈદરાબાદના હોઈ શકે છે. હૈદરાબાદના સાંસદ અસદુદ્દીન ઓવૈસીએ પણ અકસ્માત પર દુઃખ વ્યક્ત કર્યું હતું.