મોઝામ્બિકમાં બોટ દુર્ઘટના, 90 થી વધુ લોકોના મોત

ઝિમ્બાબ્વેમાં મોઝામ્બિકના ઉત્તરી કિનારે રવિવારે 'ફ્લોટિંગ બોટ' દુર્ઘટનામાં 90 થી વધુ લોકોના મોત થયા છે. જેમાં મોટી સંખ્યામાં બાળકોનો પણ સમાવેશ થાય છે. સ્થાનિક ઓનલાઈન આઉટલેટ ટીવી ડીયારિયો નામપુલા અનુસાર, બોટમાં 130 લોકો સવાર હતા.

આઉટલેટ પ્રસારણ મુજબ, આ બોટ દેશના ઉત્તરમાં નામપુલા પ્રાંતમાં લુંગા અને મોઝામ્બિક ટાપુની વચ્ચે ચાલી રહી હતી ત્યારે તે અચાનક પલટી ગઈ. સોમવારે પણ બચાવ કાર્ય ચાલુ છે. બોટના કેટલાક મુસાફરો મેળામાં ભાગ લેવા જઈ રહ્યા હતા. કોલેરા ફાટી નીકળ્યાના સમાચારથી ગભરાઈને, અન્ય લોકો આ બોટમાં મુસાફરી કરી રહ્યા હતા અને અન્યત્ર જઈ રહ્યા હતા.

નામપુલા પ્રાંતના રાજ્ય સચિવ જેમે નેટોએ જણાવ્યું હતું કે, કથિત કોલેરા ફાટી નીકળવાની ખોટી માહિતીને કારણે લોકો ગભરાઈ ગયા હતા અને બચવાના પ્રયાસમાં બોટમાં સવાર થઈ ગયા હતા. સામાન્ય રીતે આ બોટનો ઉપયોગ માછીમારી માટે થાય છે.