યુકેએ તાઇવાનને સબમરીન-સંબંધિત નિકાસમાં વધારો કર્યો મંજૂર

ગયા વર્ષના પ્રથમ નવ મહિના દરમિયાન કુલ રેકોર્ડ 167 મિલિયન પાઉન્ડ ($201.29 મિલિયન) હતું, જે પાછલા છ વર્ષના સંયુક્ત મૂલ્ય કરતાં વધુ છે

યુકેએ તાઇવાનને સબમરીનની નિકાસમાં વધારો કરવાની પરવાનગી આપી દીધી છે. આ નિર્ણયથી ચીન નારાજ શકે તેમ છે. બ્રિટને ગયા વર્ષે તાઇવાનને સબમરીનના ભાગો અને સંબંધિત ટેક્નોલોજીની નિકાસમાં તીવ્ર વધારો મંજૂર કર્યો હતો. તાઇવાન તેના નૌકાદળને અપગ્રેડ કરે છે પરંતુ તેનું આ પગલું ચીન સાથેના બ્રિટિશ સંબંધોને માઠી અસર કરી શકે છે.

બ્રિટિશ સરકાર દ્વારા તાઈવાનને સબમરીન-સંબંધિત ઘટકો અને ટેક્નોલોજીની નિકાસ માટે કંપનીઓને આપવામાં આવેલા લાયસન્સનું મૂલ્ય ગયા વર્ષના પ્રથમ નવ મહિના દરમિયાન કુલ રેકોર્ડ 167 મિલિયન પાઉન્ડ ($201.29 મિલિયન) હતું, જે પાછલા છ વર્ષના સંયુક્ત મૂલ્ય કરતાં વધુ છે.

બેઇજિંગ તાઇવાનને ચીનનો એક ભાગ માને છે, જેને "વન-ચાઇના પોલિસી" તરીકે ઓળખવામાં આવે છે અને તે તાઇવાનને તેના પોતાના દેશ તરીકે ઓળખવાની ઇચ્છાને ટેકો હોવાનું માનીને ટાપુ સાથે કથિત વિદેશી હસ્તક્ષેપ સામે સખત વિરોધ કરે છે.

ચીનના વિદેશ મંત્રાલયે એક નિવેદનમાં કહ્યું હતું કે "જો આ સાચું છે, તો તાઈવાન "વન-ચાઇના પોલિસી"નું ગંભીર ઉલ્લંઘન છે, તે ચીનના સાર્વભૌમત્વ અને સુરક્ષા હિતોને નુકસાન પહોંચાડે છે અને તાઈવાનનું આ પગલું ચીનની શાંતિ અને સ્થિરતાને નબળી પાડે છે."