યુરોપના સૌથી મોટા ન્યૂક્લિયર પ્લાન્ટ પર ડ્રોન હુમલો

યુક્રેને રવિવારે રશિયાના નિયંત્રણવાળા ઝાપોરિઝિયા ન્યુક્લિયર સ્ટેશન પર હુમલો કર્યો હતો. હુમલા પછી પણ, રેડિયેશનનું સ્તર સામાન્ય હતું અને કોઈ ગંભીર નુકસાન થયું ન હતું. તે યુરોપનો સૌથી મોટો પાવર પ્લાન્ટ છે.

પ્લાન્ટ પર હુમલો કરવા માટે કયા હથિયારનો ઉપયોગ કરવામાં આવ્યો હતો તે તાત્કાલિક સ્પષ્ટ થયું નથી. 2022 માં યુક્રેનના આક્રમણ પછી તરત જ રશિયન દળો દ્વારા પ્લાન્ટને કબજે કરવામાં આવ્યો હતો. જો કે, ઇન્ટરનેશનલ એટોમિક એનર્જી એજન્સી (IAEA) એ જણાવ્યું હતું કે તેને જાણ કરવામાં આવી હતી કે સ્થળ પર ડ્રોન દ્વારા વિસ્ફોટ કરવામાં આવ્યો હતો.

પ્લાન્ટના અધિકારીઓએ જણાવ્યું હતું કે, પ્લાન્ટના છઠ્ઠા પાવર યુનિટના ઉપરના ભાગ પર યુક્રેનિયન લશ્કરી ડ્રોન હુમલો કરવામાં આવ્યો હતો. હુમલા બાદ પ્લાન્ટમાં કોઈ ગંભીર નુકસાન કે જાનહાનિ થઈ ન હતી અને રેડિયેશનનું સ્તર પણ સામાન્ય રહ્યું હતું. ઇન્ટરનેશનલ એટોમિક એનર્જી એજન્સીએ આ હુમલાને ઘાતક ગણાવ્યો છે અને કહ્યું કે, પરમાણુ પ્લાન્ટ પરના હુમલાથી અકસ્માતનું જોખમ નોંધપાત્ર રીતે વધી શકે છે.