સંયુકત રાષ્ટ્ર સુરક્ષા પરિષદમાં ઈઝરાયેલ - હમાસ સંઘર્ષ પર યોજાઈ આપાતકાળ બેઠક

પેલેસ્ટિનિયન લડવૈયાઓ અને ઈઝરાયેલ દળો વચ્ચે ચાલી રહેલી લડાઈ વચ્ચે સંયુક્ત રાષ્ટ્ર સુરક્ષા પરિષદ આજે ઈમરજન્સી બેઠક યોજવા જઈ રહી છે. આ બેઠક સંયુક્ત આરબ અમીરાતની વિનંતી પર બોલાવવામાં આવી છે કે માનવતાના આધાર પર ગાઝામાં સંઘર્ષને રોકવાનો ઠરાવ પસાર કરે.

જો કે, યુનાઈટેડ નેશન્સ જનરલ એસેમ્બલી પહેલેથી જ સંઘર્ષને રોકવાની તરફેણમાં એક ઠરાવ પસાર કરી ચૂકી છે. પરંતુ તેની પાસે દરખાસ્તને બંધનકર્તા બનાવવાની સત્તા નથી. સુરક્ષા પરિષદ પાસે આ સત્તા છે.

દરમિયાન, દાગેસ્તાન એરપોર્ટ પર વિશાળ ભીડ દ્વારા સેમિટિક વિરોધી સૂત્રોચ્ચાર કર્યા પછી, ઇઝરાયેલે રશિયાને તેના નાગરિકોની સુરક્ષા કરવા વિનંતી કરી છે. રશિયાની ઉડ્ડયન એજન્સી રોસાવિયેતસિયાનું કહેવું છે કે સુરક્ષા દળોએ બાદમાં પરિસ્થિતિને કાબુમાં લીધી હતી. એજન્સીએ કહ્યું કે ઇઝરાયેલથી ઉત્તર કાકેશસ સુધીની ફ્લાઇટ્સનો રૂટ અસ્થાયી રૂપે બદલવામાં આવશે.