G-7 દેશોએ ભારત-મધ્ય પૂર્વ-યુરોપ કોરિડોર માટે તૈયારી દર્શાવી

3 દિવસીય સમિટમાં G-7 દેશોએ ભારત-મિડલ ઈસ્ટ-યુરોપ ઈકોનોમિક કોરિડોર (IMEC) જેવા ચોક્કસ ઈન્ફ્રાસ્ટ્રક્ચર પ્રોજેક્ટ માટે સંમતિ વ્યક્ત કરાઈ છે.

પ્રધાનમંત્રી નરેન્દ્ર મોદીએ ઈટાલીના પ્રધાનમંત્રી જ્યોર્જિયા મેલોનીના આમંત્રણ પર G-7 સમિટમાં હાજરી આપી હતી. G-7 સમિટ દરમિયાન, G7 PGII (ગ્લોબલ ઇન્ફ્રાસ્ટ્રક્ચર એન્ડ ઇન્વેસ્ટમેન્ટ માટે ભાગીદારી) પહેલ, ફ્લેગશિપ પ્રોજેક્ટ્સ અને ગુણવત્તાયુક્ત ઈન્ફ્રાસ્ટ્રક્ચર અને રોકાણ માટે પરિવર્તનશીલ આર્થિક કોરિડોર વિકસાવવા પર ભાર મૂકવામાં આવ્યો હતો. લોબિટો કોરિડોર, લુઝોન કોરિડોર, મિડલ કોરિડોર અને ભારત-મધ્ય પૂર્વ-યુરોપ ઇકોનોમિક કોરિડોર તેમજ EUના ગ્લોબલ ગેટવેની રચના, ગ્રેટ ગ્રીન વોલ ઇનિશિયેટિવ અને ઈટાલી દ્વારા આફ્રિકા માટે માટ્ટેઈ યોજના માટે સંકલન અને નાણાકીય સહાય પૂરી પાડવી.

સાઉદી અરેબિયા, ભારત, યુનાઈટેડ સ્ટેટ્સ અને યુરોપને જોડવાની વ્યાપક યોજના
IMEC સાઉદી અરેબિયા, ભારત, યુનાઇટેડ સ્ટેટ્સ અને યુરોપને જોડતા રસ્તાઓ, રેલવે અને શિપિંગ માર્ગોનું વ્યાપક નેટવર્ક સ્થાપિત કરવાની યોજના ધરાવે છે. આ પહેલનો હેતું એશિયા, મધ્ય પૂર્વ અને પશ્ચિમી દેશો વચ્ચે એકીકરણને પ્રોત્સાહન આપવાનો છે.

ખાસ કરીને, IMEC ને ચીનના બેલ્ટ એન્ડ રોડ ઈનિશિયેટિવ (BRI)ના પ્રતિભાવમાં તેમના વ્યૂહાત્મક પ્રભાવને વધારવા માટેના સાથીઓના પ્રયાસ તરીકે પણ જોવામાં આવે છે. BRI એ ચીનનો મુખ્ય ઈન્ફ્રાસ્ટ્રક્ચર પ્રોજેક્ટ છે જે ચીનને દક્ષિણપૂર્વ એશિયા, મધ્ય એશિયા, રશિયા અને યુરોપ સાથે જોડે છે. 

ગયા વર્ષે દિલ્હીમાં ભારતે આયોજિત G20 સમિટ દરમિયાન યોજેલી ચર્ચા દરમિયાન IMEC ફ્રેમવર્કને અંતિમ સ્વરૂપ આપવામાં આવ્યું હતું. આ વખતે G-7 સમિટમાં પોપ ફ્રાન્સિસ પણ હાજર હતા. G-7 સમિટ દરમિયાન વિશ્વના ટોચના નેતાઓ યુએસ પ્રમુખ જો બિડેન, કેનેડાના વડા પ્રધાન જસ્ટિન ટ્રુડો, બ્રિટિશ વડા પ્રધાન ઋષિ સુનાક, ફ્રાન્સના પ્રમુખ ઇમેન્યુઅલ મેક્રોન, જર્મન ચાન્સેલર ઓલાફ સ્કોલ્ઝ, જાપાનના પ્રધાનમંત્રી ફ્યુમિયો કિશિદા, યુરોપિયન કાઉન્સિલના પ્રમુખ ચાર્લ્સ મિશેલ અને યુરોપિયન કાઉન્સિલ કમિશનના પ્રમુખ ઉર્સુલા વોન ડેર લેયેને હાજરી આપી હતી.

પીએમ મોદીએ વિવિધ મુદ્દાઓ પર પોતાનો અભિપ્રાય વ્યક્ત કર્યા
પીએમ મોદીએ કહ્યું,  અમારા AI ગવર્નન્સ અભિગમો વચ્ચે આંતર-કાર્યક્ષમતા વધારવાના અમારા પ્રયાસોને આગળ વધારીશું. અમે આ પ્રયાસોમાં જોખમ આધારિત અભિગમ અપનાવીશું કારણ કે અમે નવીનતા અને મજબૂત, સમાવિષ્ટ અને ટકાઉ વૃદ્ધિને પ્રોત્સાહન આપવા માગીએ છીએ.

યુક્રેનની વર્તમાન અને ભાવિ જરૂરિયાતોને ટેકો આપવાના ઉદ્દેશ્ય સાથે, G7 યુક્રેનને અસાધારણ રેવન્યુ એક્સિલરેશન લોન (ERA) લોન્ચ કરશે, જે વર્ષના અંત સુધીમાં યુક્રેનને અંદાજે USD 50 બિલિયન વધારાનું ધિરાણ પૂરું પાડશે.