PM મોદીની ચીનના રાષ્ટ્રપતિ શી-જિનપિંગ સાથે મુલાકાત, સંવાદ અને સહયોગ વધારવા પર ચર્ચા કરી

પીએમ મોદીએ બુધવારે રશિયાના શહેર કઝાનમાં બ્રિક્સ સમિટ દરમિયાન ચીનના રાષ્ટ્રપતિ શી જિનપિંગ સાથે મુલાકાત કરી હતી. આ બેઠક પાંચ વર્ષમાં બંને નેતાઓ વચ્ચેની પ્રથમ ઔપચારિક વાતચીત થઈ હતી.

પૂર્વી લદ્દાખમાં વાસ્તવિક નિયંત્રણ રેખા (LAC) પર નિયમિત પેટ્રોલિંગ ફરી શરૂ કરવા માટે બંને દેશોએ કરાર કર્યા પછી આવી છે. આ દરમિયાન ચીનના રાષ્ટ્રપતિ શી જિનપિંગે કહ્યું કે બંને દેશોએ વાતચીત અને સહયોગ વધારવો જોઈએ અને મતભેદોને અસરકારક રીતે ઉકેલવા જોઈએ. PM મોદીની ચીની રાષ્ટ્રપતિ શી જિનપિંગ સાથે છેલ્લી ઔપચારિક દ્વિપક્ષીય બેઠક ઓક્ટોબર 2019 માં તામિલનાડુના મહાબલીપુરમમાં થઈ હતી, જૂન 2020 માં ગલવાન અથડામણના મહિનાઓ પહેલા જે લશ્કરી ગતિરોધ તરફ દોરી ગઈ હતી. બંને નેતાઓ 2022માં ઇન્ડોનેશિયાના બાલીમાં અને ત્યારબાદ દક્ષિણ આફ્રિકાના જોહાનિસબર્ગ (2023)માં G-20 બેઠકમાં થોડા સમય માટે મળ્યા હતા.