આગામી 2 વર્ષમાં જમ્મુ અને કાશ્મીરના તમામ જિલ્લાઓને મળશે 24x7 વીજળી

ઉર્જા રાજ્ય મંત્રી અને જમ્મુ-કાશ્મીરના ઉપ રાજ્યપાલે ઉર્જા વિકાસ વિભાગના 10 પ્રોજેક્ટ્સનું ઈ-ઉદ્ઘાટન કર્યું 

ઉર્જા રાજ્ય મંત્રી  આર.કે.સિંઘે કહ્યું છે કે, કેન્દ્ર સરકારનું લક્ષ્ય છે કે, આગામી બે વર્ષમાં જમ્મુ અને કાશ્મીરના તમામ જિલ્લાઓને 24x7 પાવર પૂરો પાડશે. તેમણે કહ્યું કે દેશમાં પૂરતી શક્તિ ઉપલબ્ધ છે પરંતુ જમ્મુ અને કાશ્મીરએ પૂરતી ટ્રાન્સમિશન અને ડિસ્ટ્રિબ્યુશન સિસ્ટમ મૂકીને આ મુદ્દાઓને ધ્યાનમાં લેવાની જરૂર છે.

કેન્દ્રીય મંત્રી જમ્મુ-કાશ્મીરના કેન્દ્ર શાસિત ક્ષેત્રમાં વીજળી અને નવીનીકરણીય ઉર્જા દૃશ્યની સમીક્ષા કરવા માટે નાગરિક સચિવાલય જમ્મુ ખાતે જમ્મુ-કાશ્મીરના લેફ્ટનન્ટ ગવર્નર જી.સી. મુર્મુ સાથે મળીને એક ઉચ્ચ સ્તરીય બેઠકમાં હાજરી આપી હતી. ઉર્જા રાજ્ય મંત્રી  આર.કે.સિંઘે જણાવ્યું હતું કે, પાકલ દુલ, કિરુ અને ક્વાર જેવા આગામી પાવર પ્રોજેક્ટ્સ પૂર્ણ થયા બાદ, જમ્મુ અને કાશ્મીર્મ વીજળી પૂરતી બનશે. બાદમાં, ઉર્જા રાજ્ય મંત્રી અને જમ્મુ-કાશ્મીરના ઉપ રાજ્યપાલે ઉર્જા વિકાસ વિભાગના 10 પ્રોજેક્ટ્સનું ઈ-ઉદ્ઘાટન કર્યું હતું અને જમ્મુ-કાશ્મીરના લોકોને સમર્પિત કર્યું હતું