આગામી 3 દિવસ ગુજરાતના કેટલાક જિલ્લામાં હળવાથી મધ્યમ વરસાદની શક્યતા

ભારતીય હવામાન વિભાગે આગામી 4 દિવસ દરમિયાન કેરળ, કર્ણાટક અને ગોવામાં ભારેથી અતિ ભારે વરસાદની આગાહી કરી છે. હવામાન વિભાગે માહિતી આપતા જણાવ્યું હતું કે આગામી 4 દિવસ દરમિયાન ગુજરાત, મહારાષ્ટ્ર, લક્ષદ્વીપ, આંધ્રપ્રદેશ, તેલંગાણા, તમિલનાડુ અને પુડુચેરીમાં વાવાઝોડાં અને વીજળી સાથે હળવાથી મધ્યમ વરસાદ થશે.

ઉત્તર-પૂર્વ ભારતની વાત કરીએ તો નાગાલેન્ડ, મણિપુર, મિઝોરમ અને ત્રિપુરામાં આજે ભારેથી અતિભારે વરસાદ પડશે અને પશ્ચિમ બંગાળ, સિક્કિમ, આસામ, મેઘાલય અને અરુણાચલ પ્રદેશમાં આગામી 5 દિવસ દરમિયાન વરસાદ પડશે. 

હવામાન એજન્સીએ એમ પણ ઉમેર્યું હતું કે આગામી 4 દિવસ દરમિયાન ગંગાના પશ્ચિમ બંગાળ, બિહાર, ઝારખંડ, ઓડિશા, આંદામાન અને નિકોબાર ટાપુઓ પર વાવાઝોડાં, વીજળી અને તોફાની પવન સાથે હળવોથી મધ્યમ વરસાદ પડશે. 24મી તારીખ સુધી પશ્ચિમ ઉત્તર પ્રદેશમાં હીટવેવની સ્થિતિ યથાવત રહેશે. આગામી 2 દિવસ દરમિયાન ઉત્તર-પશ્ચિમ ભારતમાં મહત્તમ તાપમાન 3થી 4 ડિગ્રી તાપમાન વધશે. દેશના બાકીના ભાગોમાં મહત્તમ તાપમાનમાં કોઈ નોંધપાત્ર ફેરફારની સંભાવના નથી.