ઇન્ડિગોની મુશ્કેલીઓ વચ્ચે રેલવેનો 'સહારો', આજે વધુ 22 સ્પેશિયલ ટ્રેનો દોડાવી

ઇન્ડિગોની મુશ્કેલીઓ વચ્ચે રેલવેનો 'સહારો', આજે વધુ 22 સ્પેશિયલ ટ્રેનો દોડાવી

ઇન્ડિગો એરલાઇન્સની ઉડાન સેવાઓમાં ઉભી થયેલી વ્યાપક અવ્યવસ્થાના કારણે મુસાફરોને પડી રહેલી મુશ્કેલીઓને ધ્યાનમાં રાખીને, રેલવે મંત્રાલયે આજે (સોમવારે) વધારાની ૨૨ સ્પેશિયલ ટ્રેનો દોડાવવાનો નિર્ણય લીધો છે.

રેલવે દ્વારા આ વિશેષ ટ્રેનો તે મુસાફરોને મદદ કરવા માટે દોડાવવામાં આવી રહી છે, જેમને ઇન્ડિગોની ફ્લાઇટ રદ થવા અથવા વિલંબ થવાને કારણે તેમના ગંતવ્ય સ્થાને પહોંચવામાં મુશ્કેલી પડી રહી છે. આ ટ્રેનો દ્વારા મુસાફરોને તેમના ગંતવ્ય સ્થાન અથવા તેની નજીકના સ્થળો સુધી પહોંચાડવાનો પ્રયાસ કરવામાં આવ્યો છે.

દિલ્હીથી 8 ટ્રેનોનું સંચાલન

રેલવે મંત્રાલયે આ સ્પેશિયલ ટ્રેનોની તમામ વિગતો સોશિયલ મીડિયા પ્લેટફોર્મ પર જાહેર કરી છે. આ ૨૨ ટ્રેનોમાંથી 8 ટ્રેનો એકલા દિલ્હીના જુદા જુદા સ્ટેશનો પરથી ઉપડશે, જે દિલ્હીના મુખ્ય એરપોર્ટ અને રેલવે હબ પર ઉભી થયેલી ભીડને હળવી કરવામાં મદદરૂપ થશે.

રેલવેનું આ પગલું નાગરિક ઉડ્ડયન ક્ષેત્રમાં સર્જાયેલા સંકટના સમયે મુસાફરોને તાત્કાલિક રાહત પૂરી પાડશે.