ઓમિક્રોનથી પ્રભાવિત દેશોમાંથી ભારત આવતા મુસાફરો માટે હવે પૂર્વ નોંધણી દ્વારા RT-PCR ટેસ્ટ ફરજિયાત

દેશમાં કોરોનાના ઓમિક્રોન વેરિયન્ટનું સંક્રમણ ફેલાતું અટકાવવા માટે વિદેશથી આવતા મુસાફરો માટે હવે નવી ગાઈડલાઈન અપાઈ છે. ઓમિક્રોન વેરિયન્ટથી પ્રભાવિત થયેલા દેશોમાંથી આવતા મુસાફરોને હવે પૂર્વ નોંધણી દ્વારા કોરોના  RT-PCR ટેસ્ટ ફરજિયાત કરવામાં આવ્યો છે.

ભારતીય એરપોર્ટ ઓથોરિટીએ જણાવ્યુ છે કે, ઓમિક્રોનથી પ્રભાવિત દેશોમાંથી ભારત આવતા મુસાફરો માટે હવે પૂર્વ નોંધણી દ્વારા RT-PCR ટેસ્ટ ફરજિયાત કરવામાં આવ્યો છે. આ ટેસ્ટ સ્વાસ્થ્ય અને પરિવાર કલ્યાણ મંત્રાલયની માર્ગદર્શિકા અનુસાર કરવામાં આવશે. 

ઓથોરિટીએ માહિતી આપી હતી કે, આ વ્યવસ્થા આ મહિનાની 20મી તારીખથી દિલ્હી, મુંબઈ, કોલકાતા, ચેન્નાઈ, બેંગલુરુ અને હૈદરાબાદ એમ 6 એરપોર્ટ પર શરૂ કરવામાં આવશે. જોખમ ધરાવતા દેશોમાંથી આવતા અથવા છેલ્લા ચાર દિવસ દરમિયાન આ દેશોની મુસાફરી કરનારા તમામ મુસાફરો માટે આ ફરજિયાત પરીક્ષણ માટે પૂર્વ-નોંધણી કરાવવા માટે એર સુવિધા પોર્ટલમાં ફેરફાર કરવામાં આવશે.