કેજરીવાલને કોર્ટનો આંચકો,12 જુલાઈ સુધી જ્યુડિશિયલ કસ્ટડીમાં મોકલાયા

CBI કેસમાં દિલ્હીના સીએમ અરવિંદ કેજરીવાલને રાઉઝ એવન્યુ કોર્ટે 12 જુલાઈ સુધી ન્યાયિક કસ્ટડીમાં મોકલી દીધા છે. બુધવારે સીબીઆઈએ તેને કોર્ટમાં રજૂ કર્યા બાદ તેની ધરપકડ કરી હતી. આ પહેલા દિલ્હીની રાઉઝ એવન્યુ કોર્ટે તેને ED કેસમાં જામીન આપ્યા હતા પરંતુ બાદમાં દિલ્હી હાઈકોર્ટે તેના પર સ્ટે મુકી દીધો હતો.

દિલ્હીના સીએમ અરવિંદ કેજરીવાલને શનિવારે સીબીઆઈ કેસમાં રાહત ન મળતા કોર્ટે તેમને 12 જુલાઈ સુધી ન્યાયિક કસ્ટડીમાં મોકલ્યા.ત્રણ દિવસના રિમાન્ડ પૂરા થયા બાદ CBIએ અરવિંદ કેજરીવાલને રાઉઝ એવન્યુ કોર્ટના વેકેશન જજ સુનૈના શર્મા સમક્ષ રજૂ કર્યા હતા. સીબીઆઈએ કેજરીવાલને ન્યાયિક કસ્ટડીમાં મોકલવાની માંગ કરી હતી. 

અગાઉ બંને પક્ષના વકીલોએ પોતપોતાની દલીલો રજૂ કરી હતી. બાદમાં સુનાવણી પૂર્ણ થયા બાદ કોર્ટે નિર્ણય સુરક્ષિત રાખ્યો હતો. તમને જણાવી દઈએ કે, બુધવારે CBIએ કેજરીવાલને ટ્રાયલ કોર્ટમાં રજૂ કર્યા બાદ ભ્રષ્ટાચારના આરોપમાં ધરપકડ કરી હતી. કોર્ટે કેજરીવાલને ત્રણ દિવસના CBI રિમાન્ડ પર મોકલ્યા હતા, જે શનિવારે પૂરા થયા હતા.