કેન્દ્રીય મંત્રી ગિરિરાજ સિંહ આજે  કેક્ટસ ફોર ગ્રીન ઈકોનોમી પર નેશનલ વર્કશોપને સંબોધિત કરશે

ગ્રામીણ વિકાસ અને પંચાયતી રાજ મંત્રી, ગિરિરાજ સિંહ આજે વિડિયો કોન્ફરન્સ દ્વારા "કેક્ટસ ફોર ગ્રીન ઈકોનોમી ઇન વોટરશેડ પ્રોજેક્ટ્સ" પર એક દિવસીય નેશનલ વર્કશોપને  સંબોધિત કરશે. જમીન સંસાધન વિભાગ (DoLR) ભારત મંડપમ, નવી દિલ્હી ખાતે  નેશનલ વર્કશોપનું આયોજન કરશે.
 
આ વર્કશોપ કેક્ટસની ખેતી અને તેના આર્થિક ઉપયોગને પ્રોત્સાહન આપવા માટે નિષ્ણાતો, ઉદ્યોગસાહસિકો અને સંશોધકોના વિવિધ મંતવ્યો એકસાથે લાવવાનો પ્રયાસ કરશે. આ વર્કશોપ ઉદ્યોગો, નિષ્ણાતો અને રાજ્યોને શુષ્ક અને અર્ધ-શુષ્ક વિસ્તારોમાં કેક્ટસની ખેતીને પ્રોત્સાહન આપવા માટે સહયોગ અને રોડમેપ ડિઝાઇન કરવાની તક પણ પૂરી પાડશે.
 
DoLR દેશના મોટા લાભ માટે ઇંધણ, ખાતર, ઘાસચારો, ખોરાકના ફાયદા અને ખેડૂતોની આવકમાં વધારો કરવા માટે વરસાદ આધારિત અને ક્ષીણ થયેલી જમીનો પર કેક્ટસની ખેતી કરવા માટેના વિવિધ વિકલ્પોની શોધ કરી રહી છે.