કેન્દ્રીય મંત્રી રમેશ પોખરીયાલે ​​નવી દિલ્હીમાં "YUKTI" વેબ પોર્ટલ કર્યું લોન્ચ 

માનવ સંશાધન મંત્રી રમેશ પોખરીયાલે આશા વ્યક્ત કરી કે આ પોર્ટલ વધુ સારી યોજના બનાવવા માટે ઇનપુટ્સ આપશે અને એચઆરડી મંત્રાલયને આગામી છ મહિના સુધી તેની પ્રવૃત્તિઓ પર અસરકારક રીતે દેખરેખ રાખવા માટે સક્ષમ બનાવશે.

કેન્દ્રીય માનવ સંશાધન મંત્રી રમેશ પોખરીયાલે આજે ​​નવી દિલ્હીમાં "YUKTI" વેબ પોર્ટલ  (યંગ ઈન્ડિયા કોમ્બેટિંગ કોવીડ વિથ નોલેજ, ટેકનોલોજી અને ઇનોવેશન) ની શરૂઆત કરી છે. માનવ સંશાધન વિકાસ મંત્રાલયના પ્રયત્નો અને પહેલની દેખરેખ રાખવા અને રેકોર્ડ કરવા આ એક અનોખું પોર્ટલ અને ડેશબોર્ડ છે.

આ પોર્ટલ શિક્ષણવિદોમાં સંસ્થાઓની વિવિધ પહેલ અને પ્રયત્નો, ખાસ કરીને covid-19 સંબંધિત સંશોધન, સંસ્થાઓ દ્વારા સામાજિક પહેલ અને વિદ્યાર્થીઓ માટે લેવામાં આવેલા અસરકારક પગલાઓને આવરી લેશે. આ પોર્ટલ મોટા પ્રમાણમાં શૈક્ષણિક સમુદાયને સેવાઓની અસરકારક રીતે પહોંચાડવા માટે ગુણાત્મક અને માત્રાત્મક પરિમાણો બંનેનો સમાવેશ કરશે. આ પોર્ટલ વિવિધ સંસ્થાઓને કોરોના વાયરસને નાથવા માટેની વ્યૂહરચના શેર કરવાની પણ સગવડ આપશે જે covid -19 ની  પરિસ્થિતિ અને ભવિષ્યની અન્ય કોઈપણ મુશ્કેલીના સમયમાં અસરકારક સાબિત થશે. 

 કેન્દ્રીય માનવ સંશાધન મંત્રી રમેશ પોખરીયલએએ આશા વ્યક્ત કરી કે આ પોર્ટલ વધુ સારી યોજના બનાવવા માટે ઇનપુટ્સ આપશે અને એચઆરડી મંત્રાલયને આગામી છ મહિના સુધી તેની પ્રવૃત્તિઓ પર અસરકારક રીતે દેખરેખ રાખવા માટે સક્ષમ બનાવશે.