કોલસા મંત્રીએ નવી દિલ્હીમાં કોમર્શિયલ કોલસાની ખાણની હરાજીના 9મા રાઉન્ડની શરૂઆત કરી

કોલસા મંત્રીએ કોલસા અને લિગ્નાઈટ ખાણોને સ્ટાર રેટિંગ એવોર્ડ પણ આપ્યા

કોલસા મંત્રી પ્રહલાદ જોશીએ ગઈકાલે નવી દિલ્હીમાં કોમર્શિયલ કોલસાની ખાણની હરાજીના 9મા રાઉન્ડની શરૂઆત કરી. સભાને સંબોધતા પ્રહલાદ જોશીએ જણાવ્યું હતું કે આ રાઉન્ડમાં કુલ 26 કોલસાની ખાણો ઓફર કરવામાં આવશે. તેમણે જણાવ્યું હતું કે 2030 સુધીમાં દેશમાં વીજળીનો કુલ વપરાશ બમણો થવાનો છે. તેમણે સ્થિરતાને ધ્યાનમાં રાખીને ઊર્જા સુરક્ષા પર ભાર મૂક્યો હતો. તેમણે કહ્યું કે ભારત કાર્બન ઉત્સર્જન ઘટાડવામાં અસાધારણ રીતે સારું કરી રહ્યું છે.

પ્રહલાદ જોશીએ ભારપૂર્વક જણાવ્યું કે ભારત અત્યારે એક તેજસ્વી સ્થળ છે અને વિશ્વ અર્થતંત્ર માટે એક એન્જિન છે. તેમણે કહ્યું કે ભારત સૌથી ઝડપથી વિકસતું અર્થતંત્ર છે અને બેથી ત્રણ વર્ષમાં ત્રીજી સૌથી મોટી અર્થવ્યવસ્થા બનવાની તૈયારીમાં છે.

હરાજી કોલસા ક્ષેત્રમાં વધુ ખાનગી ખેલાડીઓની ભાગીદારીને વધારશે, સ્પર્ધા, કાર્યક્ષમતા અને નવીનતાને પ્રોત્સાહન આપશે અને ટકાઉ વિકાસમાં યોગદાન આપશે. કોલસાના વેચાણ અથવા ઉપયોગ પર કોઈ પ્રતિબંધ વિના સહભાગિતામાં કોઈપણ તકનીકી અથવા નાણાકીય અવરોધોને દૂર કરવા માટે પાત્રતા માપદંડો દૂર કરવામાં આવ્યા છે.

કોલસા મંત્રીએ કોલસા અને લિગ્નાઈટ ખાણોને સ્ટાર રેટિંગ એવોર્ડ પણ આપ્યા. પુરસ્કારો માટેના માપદંડમાં સાત વ્યાપક મોડ્યુલો જેવા કે માઇનિંગ ઓપરેશન્સ, પર્યાવરણીય પરિબળો, ટેક્નોલોજીનો સ્વીકાર-શ્રેષ્ઠ ખાણકામ પ્રેક્ટિસ અને સલામતી અને સુરક્ષાનો સમાવેશ થાય છે.