ગૃહમંત્રી અમિત શાહ પશ્ચિમ બંગાળની બે દિવસીય મુલાકાતે

કોલકાત્તા એરપોર્ટ ખાતે ભાજપના કાર્યકરો દ્વારા તેમનું ભવ્ય સ્વાગત કરવામાં આવ્યુ હતુ. આગામી વર્ષ દરમ્યાન પશ્ચિમ બંગાળમાં વિધાનસભા ચૂંટણીની તૈયારીઓ માટે અને ભાજપ દ્વારા કરવામાં આવતી કામગીરી અંગે તાગ મેળવવા અમિત શાહ પશ્ચિમ બંગાળની મુલાકાતે પહોચ્યા છે.

ગૃહમંત્રી અમિત શાહ પશ્ચિમ બંગાળની બે દિવસીય મુલાકાતે છે. ગત રાત્રે કોલકાત્તા એરપોર્ટ ખાતે ભાજપના કાર્યકરો દ્વારા તેમનું ભવ્ય સ્વાગત કરવામાં આવ્યુ હતુ. આગામી વર્ષ દરમ્યાન પશ્ચિમ બંગાળમાં વિધાનસભા ચૂંટણીની તૈયારીઓ માટે અને ભાજપ દ્વારા કરવામાં આવતી કામગીરી અંગે તાગ મેળવવા અમિત શાહ પશ્ચિમ બંગાળની મુલાકાતે પહોચ્યા છે. 

હાલ બંગાળના રાજકારણમાં રાજીનામાનો દોર ચાલી રહ્યો છે. તૃણમુલ કોંગ્રેસના કેટલાક નેતાઓ પક્ષથી નારાજ થઈ રાજીનામુ આપી રહ્યા છે એવા સમયે અમિત શાહ પશ્ચિમ બંગાળની મુલાકાત કરી રહ્યા છે. તો નારાજ થયેલા નેતાઓ ભાજપમાં સામેલ થાય તેવી શક્યતાઓ પણ દેખાઈ રહી છે. અમિત શાહ રાજ્યમાં અલગ અલગ સ્થળો પર પક્ષ દ્વારા આયોજીત કાર્યક્રમોમાં પણ હાજરી આપશે.