ગોપી થોટાકુરા અવકાશની યાત્રા કરનાર પ્રથમ ભારતીય પ્રવાસી બનશે

પાયલટ ગોપી થોટાકુરા અંતરિક્ષમાં પ્રવાસ કરનાર પ્રથમ ભારતીય મૂળના પ્રવાસી હશે. તે બ્લુ ઓરિજિનના NS25 મિશનના છ ક્રૂ સભ્યોમાંના એક છે. હાલમાં, જેફ બેઝોસના અવકાશ સાહસ દ્વારા આ અંગેની તારીખો જાહેર કરવાની બાકી છે.

બ્લુ ઓરિજિન અનુસાર, ગોપી એક પાયલટ છે જેણે ડ્રાઇવિંગ કરતા પહેલા ઉડાન શીખી હતી. આંધ્રપ્રદેશના વિજયવાડામાં જન્મેલા ગોપીએ પ્રારંભિક શિક્ષણ બેંગલુરુની એક ખાનગી શાળામાં પૂર્ણ કર્યું હતું. કોમર્શિયલ પાઈલટ હોવા ઉપરાંત તે મેડિકલ જેટ પાઈલટ પણ છે. તે સાહસિક પ્રવાસના પણ શોખીન છે. તાજેતરમાં તે તાન્ઝાનિયાના જ્વાળામુખી માઉન્ટ કિલીમંજારોના શિખર પર ચઢ્યો ચઢ્યા હતા.

બ્લુ ઓરિજિને જણાવ્યું હતું કે, એમ્બ્રી-રિડલ એરોનોટિકલ યુનિવર્સિટીના સ્નાતક ગોપી, પ્રિઝર્વ લાઇફના સહ-સ્થાપક પણ છે. બ્લુ ઓરિજિને જુલાઈ 2021 થી અત્યાર સુધી છ ક્રૂ ફ્લાઇટ ઉડાવી છે અને પ્રથમ ફ્લાઇટમાં સીઇઓ જેફ બેઝોસે પોતે હાજરી આપી હતી. કંપનીનું ફરીથી વાપરી શકાય તેવું ન્યૂ શેપર્ડ રોકેટ કર્મન લાઇનની ઉપર છ સભ્યોના ક્રૂને લઈ જશે. તે અંતરિક્ષની આંતરરાષ્ટ્રીય સ્તરે માન્યતા પ્રાપ્ત સીમા છે જે પૃથ્વીની સપાટીથી 100 કિમી ઉપર છે.