ચૂંટણી પંચે PM મોદી અને રાહુલ ગાંધીને તેમના ભાષણો પર નોટિસ ફટકારી, 29 એપ્રિલ સુધીમાં જવાબ માંગ્યો

ભારતના ચૂંટણી પંચ (ECI) એ આજે ​​(ગુરુવારે) પ્રધાનમંત્રી નરેન્દ્ર મોદી અને કોંગ્રેસ નેતા રાહુલ ગાંધીના ભાષણો પર આચારસંહિતાના ઉલ્લંઘનના આરોપો પર નોટિસ જાહેર કરી છે. 

ભાજપ અને કોંગ્રેસ બંનેએ પાર્ટી પર ધર્મ, જાતિ, સમુદાય અથવા ભાષાના આધારે નફરત અને વિભાજન કરવાનો આરોપ લગાવ્યો હતો. પંચે કહ્યું હતું કે, રાજકીય પક્ષોએ તેમના ઉમેદવારો, ખાસ કરીને સ્ટાર પ્રચારકોના આચરણ માટે પ્રાથમિક અને વધતી જતી જવાબદારી લેવી પડશે. 

કમિશનનું કહેવું છે કે, ઉચ્ચ હોદ્દા પરના લોકો દ્વારા પ્રચાર ભાષણો વધુ ગંભીર પરિણામો આપે છે. આ અંગે ચૂંટણી પંચે 29 એપ્રિલે સવારે 11 વાગ્યા સુધીમાં જવાબ માંગ્યો છે.

વાસ્તવમાં, પંચે આ નોટિસ ભાજપના નેતા અને પ્રધાનમંત્રી નરેન્દ્ર મોદી અને કોંગ્રેસ નેતા રાહુલ ગાંધીના ભાષણો વિરુદ્ધ કરવામાં આવેલી ફરિયાદો પર મોકલી છે. આ ફરિયાદોમાં આચારસંહિતાના ઉલ્લંઘનનો આક્ષેપ કરવામાં આવ્યો છે. ફરિયાદમાં એવું કહેવામાં આવ્યું છે કે, આ નેતાઓ ધર્મ, જાતિ, સમુદાય અને ભાષાના આધારે લોકોમાં નફરત અને વિભાજન ફેલાવવાનું કામ કરી રહ્યા છે.

ચૂંટણી પંચે લોક પ્રતિનિધિત્વ અધિનિયમની કલમ 77 લાગુ કરી અને પક્ષ પ્રમુખોને જવાબદાર ઠેરવ્યા. પ્રથમ પગલામાં, પ્રધાનમંત્રી નરેન્દ્ર મોદી, રાહુલ ગાંધી વિરુદ્ધ આદર્શ આચાર સંહિતા ભંગના આરોપો ભાજપના અધ્યક્ષ જેપી નડ્ડા અને કોંગ્રેસ અધ્યક્ષ મલ્લિકાર્જુન ખડગે પર લગાવવામાં આવ્યા છે. 

પંચે કહ્યું હતું કે, રાજકીય પક્ષોએ તેમના ઉમેદવારો, ખાસ કરીને સ્ટાર પ્રચારકોના આચરણ માટે પ્રાથમિક અને વધતી જતી જવાબદારી લેવી પડશે. કમિશનનું કહેવું છે કે, ઉચ્ચ હોદ્દા પરના લોકો દ્વારા પ્રચાર ભાષણોના વધુ ગંભીર પરિણામો આવે છે. આ સંદર્ભમાં ચૂંટણી પંચે 29 એપ્રિલે સવારે 11 વાગ્યા સુધીમાં જવાબ માંગ્યો છે.

ભાજપે સોમવારે ચૂંટણી પંચને કહ્યું હતું કે, કોંગ્રેસ નેતા રાહુલ ગાંધી દેશમાં ગરીબી વધારવાના ખોટા દાવા કરી રહ્યા છે. ભાષાના આધારે દેશને ઉત્તર-દક્ષિણમાં વહેંચવામાં આવી રહ્યો છે. તેમની સામે કડક કાર્યવાહી થવી જોઈએ. 

બીજી તરફ કોંગ્રેસ પાર્ટીએ સોમવારે પંચને ફરિયાદ કરી હતી કે, પંચે પીએમ મોદીના 'સંપત્તિની વહેંચણી' પર આપેલા નિવેદન પર કાર્યવાહી કરવી જોઈએ. કોંગ્રેસે આ નિવેદનને વિભાજનકારી, ખરાબ ઈચ્છાથી ભરેલું અને ચોક્કસ સમુદાયને નિશાન બનાવનાર ગણાવ્યું હતું.

નોંધનીય છે કે, આ બાબતમાં ચૂંટણી પંચે જનપ્રતિનિધિત્વ અધિનિયમની કલમ 77નો ઉપયોગ કર્યો છે અને સ્ટાર પ્રચારકોના વિવાદાસ્પદ નિવેદનો માટે પાર્ટી અધ્યક્ષોને જવાબદાર ઠેરવ્યા છે.