દિલ્હીના IGI એરપોર્ટ પર ડ્રગ્સની તસ્કરી નિષ્ફળ: 4.411 કિલો હશીશ સાથે એક ઝડપાયો

 દિલ્હીના ઇન્દિરા ગાંધી ઇન્ટરનેશનલ (IGI) એરપોર્ટ પર સુરક્ષા એજન્સીઓએ ડ્રગ્સની તસ્કરીનો મોટો પ્રયાસ નિષ્ફળ બનાવ્યો છે.

એરપોર્ટના ટર્મિનલ-3 પરથી રૂ. 4.411 કિલો હશીશ (ચરસ)નો જથ્થો જપ્ત કરવામાં આવ્યો છે.9-10 જૂન 2026ની રાત્રે, શારજાહ થઈને અમ્માન જઈ રહેલા એક મુસાફરને તેની શંકાસ્પદ વર્તણૂકને આધારે CIW ટીમ દ્વારા રોકવામાં આવ્યો હતો.એરપોર્ટ પર X-BIS મશીન દ્વારા સામાનની તપાસ દરમિયાન અધિકારીઓને શંકા ગઈ હતી. જ્યારે સામાનની ઝીણવટભરી તપાસ કરવામાં આવી, ત્યારે નવા કપડાંની અંદર છુપાવીને રાખેલા 20 પેકેટ મળી આવ્યા હતા.પ્રાથમિક તપાસમાં આ પદાર્થ હશીશ હોવાનું બહાર આવ્યું હતું. ત્યારબાદ નાર્કોટિક્સ કંટ્રોલ બ્યુરો (NCB), દિલ્હી ઝોનને જાણ કરવામાં આવી હતી. NCBની ટીમે સ્થળ પર પહોંચીને NDPS એક્ટ હેઠળ કાયદેસરની કાર્યવાહી કરી તમામ જથ્થો જપ્ત કર્યો હતો.આ સફળ ઓપરેશન સુરક્ષા એજન્સીઓની સતર્કતા અને 'બિહેવિયરલ પ્રોફાઇલિંગ'ની અસરકારકતા સાબિત કરે છે. NCB દ્વારા હાલ આ મામલે આગળની પૂછપરછ અને તપાસ હાથ ધરવામાં આવી છે.