દિલ્હીમાં સુરક્ષા વ્યવસ્થાને લઈ ટ્રાફિક એડવાઈઝરી જારી

દિલ્હીમાં સુરક્ષા વ્યવસ્થાને લઈ ટ્રાફિક એડવાઈઝરી જારી: 6 મુખ્ય મેટ્રો સ્ટેશનો બંધ, રૂટ ડાયવર્ટ કરાયા

દિલ્હીમાં કાયદો અને વ્યવસ્થાની સ્થિતિને ધ્યાનમાં રાખીને ટ્રાફિક પોલીસે વિશેષ એડવાઈઝરી જારી કરી છે. સ્થિતિની અનુકૂળતા મુજબ સવારે ૬ વાગ્યાથી અનેક મુખ્ય માર્ગો પર ટ્રાફિક ડાયવર્ઝન લાગુ કરવામાં આવી શકે છે. પ્રભાવિત વિસ્તારોમાં ટ્રાફિક જામની શક્યતા હોવાથી નાગરિકોને પોતાની મુસાફરીનું આયોજન અગાઉથી જ કરવા સલાહ આપવામાં આવી છે.

6 મુખ્ય મેટ્રો સ્ટેશનો પર પ્રતિબંધ
સુરક્ષા કારણોસર દિલ્હી મેટ્રોના 6 મુખ્ય સ્ટેશનો પર આજે સવારે 6 વાગ્યાથી સાંજે 4 વાગ્યા સુધી મુસાફરોની અવરજવર પર પ્રતિબંધ મૂકવામાં આવ્યો છે. બંધ રહેનારા સ્ટેશનોમાં પટેલ ચોક, જનપથ, રાજીવ ચોક, મંડી હાઉસ, કેન્દ્રીય સચિવાલય અને બારાખંભા રોડ સામેલ છે.

આ તમામ બંધ રહેલા સ્ટેશનો પર મુસાફરો માટે મેટ્રો બદલવાની (ઇન્ટરચેન્જ) સુવિધા ચાલુ રહેશે, જેથી કરીને પ્રવાસીઓને વધુ મુશ્કેલી ન પડે. સુરક્ષા એજન્સીઓ સતત પરિસ્થિતિ પર નજર રાખી રહી છે અને સ્થિતિની સમીક્ષા કર્યા બાદ જરૂરિયાત મુજબ આગામી અપડેટ્સ શેર કરવામાં આવશે