દિલ્હી વિધાનસભાનું 3 દિવસનું સત્ર આજથી થશે શરૂ

નવી રચાયેલી દિલ્હી વિધાનસભાનું 3 દિવસનું સત્ર આજથી શરૂ થશે જે 27 ફેબ્રુઆરી સુધી ચાલશે. આ સમય દરમિયાન, અરવિંદર સિંહ લવલી ગૃહના પ્રોટેમ સ્પીકર રહેશે. તે જ સમયે, ભૂતપૂર્વ મુખ્યમંત્રી અને કાલકાજીના AAP ધારાસભ્ય આતિશી ગૃહમાં વિરોધ પક્ષના નેતા હશે. દિલ્હી સરકારે કહ્યું છે કે CAG રિપોર્ટ પહેલાં વિધાનસભા સત્રમાં રજૂ કરવામાં આવશે.

બધા 14 CAG રિપોર્ટ ગૃહમાં રજૂ કરવામાં આવશે
રોહિણી વિધાનસભા બેઠક પરથી ભારતીય જનતા પાર્ટીના નવા ચૂંટાયેલા ધારાસભ્ય વિજેન્દ્ર ગુપ્તાએ કહ્યું કે કાર્યસૂચિ મુજબ, કોમ્પ્ટ્રોલર અને ઓડિટર જનરલના તમામ 14 અહેવાલો ગૃહમાં રજૂ કરવામાં આવશે કારણ કે તે અહેવાલો સ્પીકરના કાર્યાલયને પ્રાપ્ત થયા છે. 

આજે બધા ચૂંટાયેલા સભ્યો શપથ લેશે અને સ્પીકરની પસંદગી કરવામાં આવશે. ગુપ્તાએએ પણ માહિતી આપી હતી કે સત્રનાં પહેલા દિવસે એટલે કે આજે 24 ફેબ્રુઆરીએ, બધા ચૂંટાયેલા સભ્યો શપથ લેશે અને સ્પીકરની પસંદગી પણ કરવામાં આવશે. CAG રિપોર્ટ 25 ફેબ્રુઆરીએ રજૂ કરવામાં આવશે.