દિલ્હી-NCRમાં ‘ગેસ ચેમ્બર’ જેવી સ્થિતિ: AQI 480ને પાર થયો નાગરિકોને હાલાકી

રાષ્ટ્રીય રાજધાની દિલ્હી અને આસપાસના વિસ્તારોમાં પ્રદૂષણ અને ઠંડીએ કાળો કેર વર્તાવ્યો છે. આજે રવિવારે (14 ડિસેમ્બર, 2025) વહેલી સવારથી જ સમગ્ર NCR વિસ્તાર ગાઢ ધુમ્મસ અને ઝેરી સ્મોગના જાડા પડમાં લપેટાયેલો જોવા મળ્યો હતો.

રાષ્ટ્રીય રાજધાની દિલ્હી અને આસપાસના વિસ્તારોમાં પ્રદૂષણ અને ઠંડીએ કાળો કેર વર્તાવ્યો છે. આજે રવિવારે (14 ડિસેમ્બર, 2025) વહેલી સવારથી જ સમગ્ર NCR વિસ્તાર ગાઢ ધુમ્મસ અને ઝેરી સ્મોગના જાડા પડમાં લપેટાયેલો જોવા મળ્યો હતો. પ્રદૂષણનું સ્તર એટલું જોખમી બન્યું છે કે અનેક વિસ્તારોમાં શ્વાસ લેવો પણ મુશ્કેલ બન્યો છે.

AQI 'ગંભીર' શ્રેણીમાં: આનંદ વિહારમાં પારો 491 પર

કેન્દ્રીય પ્રદૂષણ નિયંત્રણ બોર્ડ (CPCB) ના આંકડા મુજબ, દિલ્હીના આનંદ વિહારમાં એર ક્વોલિટી ઈન્ડેક્સ (AQI) 491 નોંધાયો છે, જે અત્યંત "ગંભીર" (Severe) શ્રેણીમાં આવે છે. આ સિવાય આઈટીઓ (ITO) ખાતે AQI 484 નોંધાયો હતો. દિલ્હીની સાથે નોઇડા, ગાઝિયાબાદ, ફરીદાબાદ અને ગુરુગ્રામમાં પણ પ્રદૂષણની સ્થિતિ બેકાબૂ બની છે.

GRAP-4 લાગુ: શાળાઓ માટે મહત્વના નિર્દેશ

પ્રદૂષણની ગંભીરતાને જોતા દિલ્હી-NCRમાં ગ્રેડેડ રિસ્પોન્સ એક્શન પ્લાન (GRAP) નો ચોથો તબક્કો લાગુ કરી દેવામાં આવ્યો છે.

• શિક્ષણ: દિલ્હી સરકારના શિક્ષણ નિયામકે ધોરણ 9 થી 11 સુધીની તમામ શાળાઓને હાઇબ્રિડ મોડ (ઓનલાઇન ક્લાસ) માં ચલાવવાનો આદેશ આપ્યો છે.
• પ્રતિબંધો: સરકારે ચોથા તબક્કા હેઠળ આવતા તમામ કડક નિયંત્રણો લાગુ કર્યા છે અને નાગરિકોને બિનજરૂરી બહાર ન નીકળવા વિનંતી કરી છે.

ઉત્તર ભારતમાં ઠંડીનું મોજું: બરફવર્ષા અને શીત લહેર

ડિસેમ્બરના મધ્યમાં પહોંચતા જ ઉત્તર ભારતમાં શિયાળો આકરો બન્યો છે.

• પહાડી રાજ્યો: ઉત્તરાખંડ, હિમાચલ પ્રદેશ અને જમ્મુ-કાશ્મીરમાં ભારે બરફવર્ષાને કારણે મેદાની વિસ્તારોમાં ઠંડા પવનો ફૂંકાઈ રહ્યા છે.
• મેદાની પ્રદેશ: હરિયાણા, પંજાબ અને ચંડીગઢમાં ગાઢ ધુમ્મસ અને શીત લહેર (Cold Wave) ને કારણે જનજીવન પ્રભાવિત થયું છે.

દક્ષિણ અને મધ્ય ભારતમાં પણ ઠંડીની ચેતવણી

આ વર્ષે શિયાળાની અનોખી અસર જોવા મળી રહી છે. હવામાન વિભાગે પહેલીવાર વિદર્ભ, ઉત્તર મહારાષ્ટ્ર, છત્તીસગઢ, તેલંગાણા, દક્ષિણ આંતરિક કર્ણાટક અને ઓડિશા જેવા રાજ્યોમાં પણ શીત લહેરની ચેતવણી જારી કરી છે.