ધરતીનું સ્વર્ગ ગણાતું જમ્મુ-કાશ્મીર પ્રવાસીઓ માટે ખુલ્યું

રાજ્યપાલ સત્યપાલ મલિકે સોમવારે ઘાટી વિસ્તારમાં ગૃહ વિભાગની ઇસ્યૂ થયેલ એડવાઈઝરી દૂર કરવાનો નિર્દેશ આપ્યો હતો.

ધરતીનું સ્વર્ગ ગણાતું જમ્મુ-કાશ્મીર ગઈકાલથી પ્રવાસીઓ માટે ખુલ્યું છે. જમ્મુ-કાશ્મીરમાં અનુચ્છેદ 370 દૂર કરાયા બાદ પ્રવાસીઓ ઘાટી વિસ્તારનો પ્રવાસ કરી શકશે. તેઓ નીડર થઈને ફરી શકશે. જમ્મુ-કાશ્મીર સરકારે 2 ઓગસ્ટે અનુચ્છેદ 370 હટાવ્યા પહેલા પ્રવાસીઓને કાશ્મીર છોડવાની એડવાઇઝરી બહાર પાડી હતી. જે ગઈકાલે પરત ખેંચવામાં આવી છે. આ સાથે રાજ્ય સરકારે પ્રવાસીઓને તમામ જરૂરી સહાયતા પૂરી પાડવાની જાહેરાત કરી છે. રાજ્યપાલ સત્યપાલ મલિકે સોમવારે ઘાટી વિસ્તારમાં ગૃહ વિભાગની ઇસ્યૂ થયેલ એડવાઈઝરી દૂર કરવાનો નિર્દેશ આપ્યો હતો.