નવા કૃષિ કાયદાના અમલ પર સુપ્રીમ કોર્ટે લગાવી રોક

નવા કૃષિ કાયદાઓને પડકાર આપતી અરજીઓ પર સુપ્રીમ કોર્ટમાં સતત બીજા દિવસે સુનાવણી ચાલી હતી. સુપ્રીમ કોર્ટે હાલ નવા કૃષિ કાયદાના અમલ પર અસ્થાયી રોક લગાવી દીધી છે. આ મુદ્દાના નિરાકરણ માટે ખેડૂતો સાથે વાતચીત માટે ચાર સભ્યોની કમિટી બનાવવામાં આવી છે. આ કમિટીમાં અનિલ ઘનવટ, અશોક ગુલાટી, બી.એસ. માન અને ડૉ. પ્રમોદ જોશીનો સમાવેશ કરવામાં આવ્યો છે. સરકાર અને ખેડુતો વચ્ચે લાંબા સમયથી ચાલતી વાટાઘાટોનું  સમાધાન ન થતાં સુપ્રીમ કોર્ટે આ નિર્ણય લીધો હતો. સુપ્રીમ કોર્ટે પોતાના આગળના આદેશ સુધી નવા કૃષિ કાયદાના અમલ પર અસ્થાયી રોક લગાવી દીધી છે. મહત્વનું છે કે, આ અગાઉની ચર્ચા દરમિયાન પિટિશનર એમ.એલ.શર્માએ કહ્યું હતું કે, સુપ્રીમ કોર્ટ તરફથી બનાવવામાં આવતી કમિટી સામે હાજર થવાનો ખેડૂતોએ ઈનકાર કરી દીધો હતો.