પટણા : મકાનમાં પ્રચંડ વિસ્ફોટ, પાંચ લોકો ઈજાગ્રસ્ત

2 મકાનને નુકસાન , બોમ્બ વિરોધી દળ કરી રહ્યુ છે તપાસ

બિહારની રાજધાની પટણાના ગાંધી મેદાન પોલીસ સ્ટેશનની હદમાં દલદલી રોડ પર એક મકાનમાં આજે સવારે પ્રચંડ વિસ્ફોટ થયો હતો. માહિતી મળતાં તરત પોલીસ ઘટના સ્થળે પહોંચી ગઇ હતી અને સમગ્ર વિસ્તારને કોર્ડન કરી લીધો હતો. પાછળથી પોલીસે જણાવ્યું હતું કે એક મકાનમાં બોમ્બ હતો. એ અચાનક ફૂટ્યો હતો. ધડાકો એટલો પ્રચંડ હતો કે બે મકાનોને ભારે નુકસાન થયું હતું. અને પાંચ વ્યક્તિને ઇજા થઇ હતી.પટણાના સિટિ પોલીસ સુપરિન્ટેડન્ટ જી અમરકેશે કહ્યું હતું કે હાલ બોમ્બ વિરોધી દળ ત્યાં તપાસ કરી રહ્યું છે. પ્રથમદર્શી અહેવાલ પરથી એવું લાગે છે કે આ બોમ્બ વિસ્ફોટ નહોતો પરંતુ ગેસ સિલિન્ડરલ ફાટ્યું હતું. બોમ્બ વિરોધી દળની તપાસ પછી અમે વિગતે માહિતી આપી શકીશું.