પ્રધાનમંત્રી નરેન્દ્ર મોદીએ ઇલેક્ટ્રોનિક્સ નિકાસમાં ભારતની પ્રગતિની પ્રશંસા કરી

પ્રધાનમંત્રી નરેન્દ્ર મોદીએ ઇલેક્ટ્રોનિક્સ નિકાસમાં ભારતની પ્રગતિ પર પ્રસન્નતા વ્યક્ત કરી હતી. ઇલેક્ટ્રોનિક્સ નિકાસ વૈશ્વિક સ્તરે ટોચના ૩ સ્થાન પર પહોંચી ગઈ છે. મોદીએ નવીન યુવા શક્તિને આ શ્રેય આપ્યો હતો. પ્રધાનમંત્રીએ વધુમાં ઉમેર્યું હતું કે, ભારત આગામી સમયમાં પણ આ ગતિને જાળવી રાખવા માટે કટિબદ્ધ છે.

કેન્દ્રીય ઇલેક્ટ્રોનિક્સ અને સૂચના પ્રૌદ્યોગિકી મંત્રી અશ્વિની વૈષ્ણવે એક X પોસ્ટમાં જાણકારી આપી હતી કે, ભારતની ઇલેક્ટ્રોનિક્સ નિકાસ હવે ટોપ 3માં સામેલ છે. તેમણે બિઝનેસ સ્ટાન્ડર્ડ અખબારના એક સમાચાર લેખને પણ શેર કર્યો છે જેમાં જણાવાયું છે કે ભારતમાંથી એપલ આઇફોનની નિકાસમાં ઉછાળાને પગલે, ઇલેક્ટ્રોનિક્સે જેમ્સ અને જ્વેલરીમાં વધારો કરીને 2024-25 (નાણાકીય વર્ષ 25) ના એપ્રિલ-જૂન ક્વાર્ટર (ક્વાર્ટર 1) ના અંત સુધીમાં ભારતની ટોચની 10 નિકાસમાં ત્રીજું સ્થાન મેળવ્યું છે.

કેન્દ્રીય મંત્રીની 10મી પોસ્ટ પર પ્રતિક્રિયા આપતા પ્રધાનમંત્રી મોદીએ જણાવ્યું હતું કે; "આ ખરેખર ખૂબ જ આનંદની વાત છે. ઇલેક્ટ્રોનિક્સમાં ભારતની કુશળતા આપણી નવીન યુવા શક્તિ દ્વારા સંચાલિત છે. તે સુધારાઓ અને @makeinindia વધારવા પરના આપણા ભારનો પણ પુરાવો છે ભારત આગામી સમયમાં પણ આ ગતિને ચાલુ રાખવા માટે પ્રતિબદ્ધ છે."