પ્રધાનમંત્રી નરેન્દ્ર મોદીએ CBSE ના વિદ્યાર્થીઓ સાથે કર્યો વર્ચ્યુઅલ સંવાદ

પ્રધાનમંત્રી નરેન્દ્ર મોદીએ આજે વીડિયો કોન્ફરન્સના માધ્યમથી CBSE એટલે કે સેન્ટ્રલ બોર્ડ ઓફ સેકન્ડરી એજ્યુકેશનના વિદ્યાર્થીઓ અને તેમના પરિવારજનો સાથે વર્ચ્યુઅલ સંવાદ કર્યો હતો. આ દરમિયાન પ્રધાનમંત્રીએ અનેક મુદ્દાઓ પર વિદ્યાર્થીઓ સાથે ચર્ચા કરી હતી. જેમાં ખાસ કરીને વિદ્યાર્થીઓને પરીક્ષાની ચિંતા નહીં કરવાની સલાહ આપી હતી. સાથે જ તેમણે વિદ્યાર્થીઓને સ્વાસ્થ્ય જ જીવન છે તેવું પણ જણાવ્યું હતું. તેમણે વિદ્યાર્થીઓને એ પણ પૂછ્યું હતું કે તેઓ પરીક્ષા રદ થયા પછી સમય કેવી રીતે પસાર કરશો. ચર્ચા દરમિયાન પ્રધાનમંત્રીએ વધુમાં જણાવ્યું હતું કે, હાલની પરિસ્થિતિને જોતાં અમે વિદ્યાર્થીઓના હિતમાં આ નિર્ણય લીધો છે. તો વિદ્યાર્થીઓએ પણ આ નિર્ણયને આવકારીને પ્રધાનમંત્રીનો આભાર વ્યક્ત કર્યો હતો.