દિલ્હીઃ કેન્દ્રીય કેબિનેટે મૉડલ ભાડુઆત કાયદાને રાજ્યો અને કે.શા.પ્રદેશોમાં પ્રસાર કરવા માટે મંજૂરી આપી

કેન્દ્રીય આવાસ અને શહેરી બાબતોના મંત્રી હરદિપસિંહ પુરીએ જણાવ્યુ હતું કે મૉડલ ભાડુઆત કાયદો પડછાયામાં રહેલા ભાડા-પટ્ટાના મકાનોના માર્કેટને સામાન્ય બનાવી દેશે.

કેન્દ્રીય આવાસ અને શહેરી બાબતોના મંત્રી હરદિપસિંહ પુરીએ જણાવ્યુ હતું કે, મૉડલ ભાડુઆત કાયદો પડછાયામાં રહેલા ભાડા-પટ્ટાના મકાનોના માર્કેટને સામાન્ય બનાવી દેશે.

પ્રેસ કોન્ફરન્સને સંબોધતાં કેન્દ્રીય મંત્રી હરદિપસિંહ પુરીએ વધુમાં જણાવ્યુ હતું કે, આ કાયદાનો અમલ થવાથી મકાનમાલિકોને તેમના ઘર-મિલકતને ભાટા-પટ્ટે આપવામાં વધુ આત્મવિશ્વાસ અપાવશે. આ કાયદાથી બે ફાયદા થશે, જે મિલકત નિષ્ક્રિય રીતે પડી હતી તે માલિક માટે વળતર આપતું સાધન બનશે અને બીજું એ કે લોકો વાણિજ્યક અને રહેઠાણના વપરાશ માટે નવી બિલ્ડીંગ બનાવશે. 

મૉડલ ભાડુઆત કાયદો શહેર, ગ્રામિણ, રહેણાંક, વાણિજ્યક સંપત્તિઓને ભાડા-પટ્ટા પર આપવામાંનું એક માળખું પુરુ પાડશે. આ કાયદો એક લેખિત કરાર હશે જે માલિક અને ભાડૂઆત વચ્ચે સંપત્તિને ભાડા-પટ્ટે આપવાની શરતોની સમજૂતી હશે. આ કાયદાની નવી વિશેષતા એ છે કે, આ કાયદા હેઠળ એક સમય મર્યાદામાં ઝડપથી ફરિયાદના નિવારણ લાવી શકાશે.