પ્રધાનમંત્રી નરેન્દ્ર મોદી આજે 'ક્વાડ' દેશોના નેતાઓ સાથે વર્ચ્યુલ મિટીંગ કરશે

આજે ક્વાડ સમુહના દેશો ભારત, અમેરિકા, ઓસ્ટ્રેલીયા અને જાપાનના નેતાઓની વર્ચ્યુલ મિટીંગ યોજાશે. વિદેશ મંત્રાલયના પ્રવક્તા અરિંદમ બાગચીએ જાહેર કરેલી પ્રેસ રિલીઝમાં જણાવ્યા પ્રમાણે, પ્રધાનમંત્રી નરેન્દ્ર મોદી આજે આ વર્ચ્યુલ મિટીંગમાં હાજરી આપશે. યુક્રેન-રશિયાની વર્તમાન યુદ્ધની સ્થિતિને જોતા આ બેઠક અત્યંત મહત્વપૂર્ણ મનાઈ રહી છે. 

ક્વાડ સમુહના દેશોની આ મિટીંગમાં અમેરિકાના રાષ્ટ્રપતિ જો બાઈડેન, ઓસ્ટ્રેલીયાના પ્રધાનમંત્રી સ્કોટ મોરીસન, જાપાનના પ્રધાનમંત્રી ફુમીઓ કુશીદા અને ભારતના પ્રધાનમંત્રી નરેન્દ્ર મોદી ઉપસ્થિત રહેશે. સપ્ટેમ્બર 2021માં વોશિંગટન ખાતે મળેલી ક્વાડ સમુહની મિટીંગ બાદ હવે આ મિટીંગમાં ક્વાડ સમુહના નેતાઓ વાતચીતને આગળ વધારશે. સાથે જ ઈન્ડો-પેસિફીક વિસ્તારમાં થનાર કામગીરી વિશે પોતાના મંતવ્યો પણ રજુ કરશે. આ મિટીંગમાં ક્વાડ સમુહના નેતાઓએ જાહેર કરેલી સકારાત્મક કાર્યસુચીની પહેલને અમલમાં મૂકવાના ચાલુ પ્રયાસોની પણ સમીક્ષા કરશે.