બધા દેશો તેમના નાગરિકોની માહિતી સુરક્ષાની સંભાળ રાખે : ભારત

ભારતે કહ્યું કે રાષ્ટ્રોએ તેમના નાગરિકો માટે ડેટા સુરક્ષાની ખાતરી કરવી જોઈએ. પેરિસ પીસ ફોરમમાં  વિદેશમંત્રી એસ.જયશંકરે કહ્યું કે ... બહાર અને અંદરથી ટેકો આપતો આતંકવાદ રાષ્ટ્રીય, પ્રાદેશિક અને વૈશ્વિક સુરક્ષા માટે સ્પષ્ટ ખતરો છે.

મંગળવારે ભારતે ડિજિટલ ક્ષેત્રે ઉગ્રવાદી અને આતંકવાદી સેનાના પ્રવેશને રોકવા માટે રાષ્ટ્રોને દ્વિપક્ષીય અથવા બહુપક્ષીય રીતે સંકલન કરવા અપીલ કરી . વિદેશમંત્રી  એસ. જયશંકરે પેરિસ પીસ ફોરમમાં સાયબર વર્લ્ડના સંચાલન સાથે સંકળાયેલા મુદ્દાઓ પર કહ્યું કે મહત્વના માળખા પર સાયબર એટેકની સાથે ચોક્કસ સુરક્ષા જોખમોને પહોંચી વળવા માટે દેશોએ ઝડપી કાર્યવાહી અને શમન પદ્ધતિને ધ્યાનમાં લેવી જોઈએ. તેમણે કહ્યું કે, ઓનલાઇન ઉપલબ્ધ આતંકવાદી અને હિંસક ઉગ્રવાદી સામગ્રીને દૂર કરવા માટે ક્રાઇસ્ટચર્ચ અપીલનું ભારતનું સમર્થન એ દેશની પ્રતિબદ્ધતાને પ્રતિબિંબિત કરે છે કે "તે એક સમાન વિચારધારા વાળા દેશો સાથે કામ કરવા માંગે છે જેથી સમગ્ર ડિજિટલ વિશ્વ આપણી સુરક્ષાને જોખમમાં મૂક્યા વિના આપણા સમાજ અને અર્થવ્યવસ્થાને આગળ રાખવા વપરાય"  ઓનલાઇન આતંકવાદ અને ઉગ્રવાદ સામે લડવાની અને ઇન્ટરનેટને સુરક્ષિત રાખવા માટે મોટી પહેલ શરૂ કરવા ભારત ફ્રાંસ, ન્યુઝીલેન્ડ, કેનેડા અને બીજા ઘણા દેશોમાં જોડાયા છે.