બાબા સાહેબએ માર્ગદર્શિત કરેલા માર્ગે જ ચાલી રહી છે NDA સરકાર : પીએમ મોદી

પ્રધાનમંત્રીએ નવી દિલ્હીમાં વિસ્ટન કોર્ટ એનેક્સીના નવા ભવનનું લોકાપર્ણ કર્યું હતું. આ પ્રસંગે તેમણે સંબોધનમાં આ વાત કરી હતી. તેમણે એમ પણ કહ્યું કે, છેવાડાના વ્યક્તિ માટે કામ કરવાનું સરકારનું લક્ષ્યું છે.

પ્રધાનમંત્રીએ નવી દિલ્હીમાં વિસ્ટન કોર્ટ એનેક્સીના નવા ભવનનું લોકાપર્ણ કર્યું હતું. તે દરમિયાન સંબોધનમાં તેમણે જણાવ્યું હતું કે, બાબા સાહેબ આંબેડકરે માર્ગદર્શિત કરેલા માર્ગે જ એનડીએ સરકાર ચાલી રહી છે. અને છેવાડાના વ્યક્તિ માટે કામ કરવાનું સરકારનું મિશન છે. આ ઉદ્ધાટન સમારંભમાં લોકસભા અધ્યક્ષ સુમિત્રા મહાજન પણ ઉપસ્થિત રહ્યા હતા. આ ભવન સાંસદો અને ખાસ કરીને નવા ચૂંટાયેલા સાંસદો માટે ઉપયોગી થઈ પડશે. આ તકે બોલતા પ્રધાનમંત્રીએ જણાવ્યું હતું કે, હાલની સરકાર શિલાન્યાસ બાદ તમામ કામ પૂર્ણ કરવામાં વિશ્વાસ કરે છે. અને તેમણે આનંદ વ્યક્ત કરતા જણાવ્યું હતું કે અલીપુરમાં બાબા સાહેબની સ્મૃતિમાં બનનારું સ્મારક પણ તૈયાર થઈ ગયું છે.તેમણે એમ પણ કહ્યું હતું કે, બાબા સાહેબના નામે ઘણા રાજનીતિ કરે છે.