બિહાર ચૂંટણીમાં AIના દુરુપયોગ પર ચૂંટણી પંચની લાલ આંખ: ડીપફેક સામગ્રી જાહેર કરવી ફરજિયાત

બિહાર ચૂંટણીમાં AIના દુરુપયોગ પર ચૂંટણી પંચની લાલ આંખ: ડીપફેક સામગ્રી જાહેર કરવી ફરજિયાત

બિહાર વિધાનસભાની આગામી ચૂંટણીને ધ્યાનમાં રાખીને, ચૂંટણી પંચે રાજકીય પક્ષો અને ઉમેદવારો માટે નવા દિશા-નિર્દેશો જાહેર કર્યા છે. ચૂંટણી પંચે સ્પષ્ટપણે રાજકીય પક્ષોને ચેતવણી આપી છે કે તેઓ બિહાર ચૂંટણીમાં 'ડીપફેક' બનાવવા અથવા માહિતીને વિકૃત કરવા માટે આર્ટિફિશિયલ ઇન્ટેલિજન્સ (AI) નો દુરુપયોગ ન કરે.

પંચે આદેશ આપ્યો છે કે તમામ પક્ષો, સ્ટાર પ્રચારકો અને ઉમેદવારો દ્વારા ઉપયોગમાં લેવાતી એવી સામગ્રી, જે AI દ્વારા બનાવવામાં આવી હોય, તેને સ્પષ્ટપણે જાહેર કરવી પડશે.

AI-જનરેટેડ સામગ્રી જાહેર કરવી પડશે

ચૂંટણી પંચના નવા નિયમો મુજબ, જો કોઈ રાજકીય પક્ષ અથવા ઉમેદવાર પ્રચાર માટે નીચેની સામગ્રીનો ઉપયોગ કરે, તો તેના પર સ્પષ્ટપણે ઉલ્લેખ કરવો ફરજિયાત છે કે તે: "AI - જનરેટેડ", "ડિજિટલી એન્હાન્સ્ડ", "સિન્થેટિક સામગ્રી" છે.

ચૂંટણી પ્રચારમાં ટેક્નોલોજીના વધતા ઉપયોગ વચ્ચે, આ પગલું મતદારોને ગેરમાર્ગે દોરતી બનાવટી માહિતી (Fake Information) સામે રક્ષણ આપવા માટે લેવામાં આવ્યું છે.

બિહાર ચૂંટણીની તારીખો

ઉલ્લેખનીય છે કે, બિહારમાં વિધાનસભા ચૂંટણી બે તબક્કામાં યોજાશે. પ્રથમ તબક્કો: 6 નવેમ્બર, બીજો તબક્કો:11 નવેમ્બર, મતગણતરી: 14 નવેમ્બરના રોજ થશે.