ભાજપના રાષ્ટ્રીય અધ્યક્ષ જેપી નડ્ડાએ ભાજપ કાર્યાલય ભોપાલનું ભૂમિપૂજન કર્યું 

ભાજપના રાષ્ટ્રીય અધ્યક્ષ જેપી નડ્ડા રાજધાની ભોપાલમાં ભાજપના નવા કાર્યાલયનું ભૂમિપૂજન કર્યું. આ પ્રસંગે મધ્યપ્રદેશના મુખ્યમંત્રી શિવરાજ સિંહ ચૌહાણ, ભાજપના પ્રદેશ અધ્યક્ષ વિષ્ણુ દત્ત શર્મા, કેન્દ્રીય મંત્રીઓ જ્યોતિરાદિત્ય સિંધિયા, નરેન્દ્ર સિંહ તોમર, ડૉ.વીરેન્દ્ર કુમાર, પ્રહલાદ પટેલ, ભાજપના વરિષ્ઠ નેતા કૈલાશ વિજયવર્ગીય, સત્યનારાયણ જાટિયા અને અન્ય કેન્દ્રીય મંત્રીઓ અને ભાજપના વરિષ્ઠ નેતાઓ હાજર રહ્યા હતા. આ ભાજપ કાર્યાલય બનાવવા માટે અંદાજે 100 કરોડનો ખર્ચ થશે એવું કહેવામાં આવી રહ્યું છે. આ નવી ઓફિસનો  વિસ્તાર લગભગ 50 હજાર સ્ક્વેર ફૂટ હશે. આ અત્યાધુનિક ઓફિસ 10 માળની બનાવવામાં આવશે, જેમાં મોટો બગીચો પણ હશે. નવી ઓફિસના પરિસરમાં પંડિત દીનદયાલ ઉપાધ્યાય, કુશાભાઉ ઠાકરે, રાજમાતા વિજયારાજે સિંધિયાની પ્રતિમાઓ સ્થાપિત કરવામાં આવશે. હાલમાં, પાર્ટીનું કામ જૂની આરટીઓ બિલ્ડીંગમાંથી થઈ રહ્યું છે.