ભાજપે મેનિફેસ્ટો કર્યો જાહેર, મેનિફેસ્ટોનું નામ સંકલ્પ પત્ર રાખવામાં આવ્યું

70 વર્ષથી વધુ ઉંમરના દરેક વૃદ્ધોને આયુષ્માન યોજના હેઠળ આવરી લેવામાં આવશે 

ભાજપે લોકસભા ચૂંટણી 2024 માટે મેનિફેસ્ટો જાહેર કર્યો છે પ્રધાનમંત્રી નરેન્દ્ર મોદીએ પાર્ટી હેડક્વાર્ટર ખાતે ભાજપનો મેનિફેસ્ટો જાહેર કર્યો છે આ દરમિયાન ભાજપના રાષ્ટ્રીય અધ્યક્ષ જેપી નડ્ડા, ગૃહ મંત્રી અમિત શાહ, રક્ષા મંત્રી રાજનાથ સિંહ સહિત પાર્ટીના ઘણા વરિષ્ઠ નેતાઓ હાજર રહ્યા હતા

પીએમ મોદીએ કહ્યું કે ભારતીય જનતા પાર્ટી GYAN (ગરીબ, યુવા, અન્નદાતા અને મહિલા શક્તિ) પર આગળ વધી રહી છે અને 2047 સુધીમાં વિકસિત ભારતનું નિર્માણ કરવાનો સંકલ્પ લઈ રહી છે પીએમ મોદીએ કહ્યું કે એક વ્યક્તિ, જે આજે વિશ્વાસનો પર્યાય બની ગયો છે કારણ કે મોદીની ગેરંટી એ ગેરંટી પૂરી કરવાની ગેરંટી છે આવનારા 5 વર્ષ પણ સેવા, સુશાસન અને ગરીબ કલ્યાણના હશે, આ મોદીની ગેરંટી છે

મેનિફેસ્ટોમાં દર્શાવવામાં આવેલી ખાસ બાબતો 

• ભાજપનો મેનિફેસ્ટો યુવા ભારતની યુવા આકાંક્ષાઓનું પ્રતિબિંબ છે
• મફત રાશન યોજના આગામી પાંચ વર્ષમાં ચાલુ રહેશે
• જનઔષધિ કેન્દ્રોનો વિસ્તાર થશે
• 5 લાખની મફત સારવાર ચાલુ રહેશે
• 70 વર્ષથી વધુ ઉંમરના દરેક વૃદ્ધોને આયુષ્માન યોજના હેઠળ આવરી લેવામાં આવશે 
• 3 કરોડ વધુ મકાનો બનાવવાનો સંકલ્પ લેવામાં આવ્યો છે
• પીએમ આવાસ યોજનામાં હવે વિકલાંગ મિત્રોને પ્રાથમિકતા આપવામાં આવશે
• ટ્રાન્સજેન્ડર લોકોને પણ આયુષ્માન યોજનાના દાયરામાં લાવવાનો નિર્ણય લેવામાં આવ્યો
• છેલ્લા 10 વર્ષ મહિલાઓને સમર્પિત છે આગામી પાંચ વર્ષ મહિલાઓની ભાગીદારી અંગેના રહેશે
• 3 કરોડ બહેનોને લાખપતિ પત્ની બનાવવાની ગેરંટી લેવામાં આવી છે
• ગરીબોની થાળી પોષણથી ભરપૂર હશે, ઉજ્જવલા યોજના આગળ પણ ચાલુ રહેશે
• જન ઔષધિ કેન્દ્રો પર સસ્તી દવાઓ મળતી રહેશે, સૂર્ય ઘર મફત વીજળી યોજના ચાલુ રહેશે
• PM કિસાન સન્માન નિધિ ભવિષ્યમાં પણ ચાલુ રહેશે
• દેશમાં ડેરી સહકારી મંડળીઓની સંખ્યા પણ વધારવામાં આવશે
• ખેડૂતોને કઠોળ અને તેલીબિયાંમાં આત્મનિર્ભર બનવામાં મદદ કરાશે
• પૃથ્વી માતાના રક્ષણ માટે કુદરતી ખેતી પર ભાર મૂકવામાં આવશે
• નેનો યુરિયાના મહત્તમ ઉપયોગ પર ભાર મૂકવામાં આવશે
• ભાજપનો સંકલ્પ ભારતને ફૂડ પ્રોસેસિંગ હબ બનાવવાનો છે
• ડિજિટલ ટ્રાઈબ આર્ટ એકેડમીની સ્થાપના કરવામાં આવશે
• 700 થી વધુ એકલવ્ય શાળાઓ બનાવવામાં આવશે
• વિશ્વની સૌથી જૂની ભાષા તમિલ ભાષાની પ્રતિષ્ઠા વધારવા માટે ભાજપ તમામ પ્રયાસો કરશે
• વધુને વધુ સરકારી યોજનાઓ ઓનલાઈન કરવામાં આવી રહી છે
• ભાજપનું ફોકસ ગ્રીન એનર્જી પર છે તેનાથી દેશને સુરક્ષા મળશે
• ભારત માનવતાના કલ્યાણ માટે સતત કામ કરશે