ભારતે શ્રીલંકાને 12.5 ટન આવશ્યક દવાઓ અને તબીબી ઉપકરણો ભેટ આપ્યા
Live TV
-
10-05-2020 | 1:09 am
Share Now
ભારતે વર્તમાન વેસાક સપ્તાહ દરમિયાન શ્રીલંકાને સાડા 12 ટન આવશ્યક દવાઓ અને તબીબી ઉપકરણોની ભેટ મોકલી છે, જેમાં ખાસ મિત્રતાની ભાવના દર્શાવવામાં આવી છે. ભારતીય વાયુસેનાના વિશિષ્ટ વિમાન દ્વારા શનિવારે આ જથ્થો કોલંબો પહોંચ્યો હતો. ભારતે શ્રીલંકા સરકાર અને ત્યાંના લોકોને શુભેચ્છાઓ પાઠવી છે.
ભેટ તરીકે તાજેતરની જીવન-બચાવ કરતી દવાઓ અને તબીબી ઉપકરણોનો આ ચોથો જથ્થો છે. ગયા મહિને શ્રીલંકામાં આવા ત્રણ સામગ્રીના જથ્થા મોકલ્યા હતા..કોવિડ -19 રોગચાળા સામે લડવા માટે સાર્ક દેશોના નેતાઓ સાથે વીડિયો કોન્ફરન્સ દરમિયાન પ્રધાનમંત્રી નરેન્દ્ર મોદીની પ્રતિબદ્ધતા મુજબ આ ભેટો મોકલવામાં આવી હતી.
