ભૂતપૂર્વ CJI ડી.વાય ચંદ્રચુડે તેમની પત્ની સાથે કર્યું મતદાન

ભારતના ભૂતપૂર્વ મુખ્ય ન્યાયાધીશ ભારતના ભૂતપૂર્વ મુખ્ય ન્યાયાધીશ EVMને સમર્થન આપી યુવા મતદારોને મતાધિકારનો ઉપયોગ કરવા સંદેશ આપ્યો

ભારતના ભૂતપૂર્વ મુખ્ય ન્યાયાધીશ D.Y ચંદ્રચુડે, તેમની પત્ની કલ્પના દાસ સાથે દિલ્હી વિધાનસભા ચૂંટણી માટે લાયન્સ વિદ્યા મંદિર માધ્યમિક શાળામાં મતદાન કર્યું. મતદાન કર્યા પછી ભૂતપૂર્વ CJI ચંદ્રચુડે પત્રકારો સાથે વાત કરતા કહ્યું કે, સુપ્રીમકોર્ટે વારંવાર આપણા ઈલેક્ટ્રોનિક વોટિંગ મશીન(EVM)ની માન્યતાને સમર્થન આપ્યું છે.

ભૂતપૂર્વ CJIએ કહ્યું કે, મને લાગે છે કે, આપણી લોકશાહી અપવાદરૂપે પરિપક્વ છે અને લોકો તેમની જવાબદારીઓથી વાકેફ છે. તેઓ જાણે છે કે, મતદાન કેવી રીતે કરવું. સુપ્રીમકોર્ટે વારંવાર આપણા EVMની માન્યતાને સમર્થન આપ્યું છે. તેમણે કહ્યું કે, સુપ્રીમકોર્ટ બંધારણીય ક્ષેત્રમાં નિર્ણય લેવા માટે અંતિમ અવાજ છે, જેણે EVMની માન્યતાની પુષ્ટિ કરી છે. જેથી આપણે તેને સ્વીકારવું જોઈએ, તે સુપ્રીમકોર્ટનો નિર્ણય છે.

ભૂતપૂર્વ CJI ચંદ્રચુડે કહ્યું કે, યુવા મતદારોને મારો સંદેશ છે કે તેઓ પોતાના મતાધિકારનો ઉપયોગ કરે. આ દરેક નાગરિકના જીવનમાં એક અપવાદરૂપે મહત્વપૂર્ણ ઘટના છે. આપણું બંધારણ એવા થોડા બંધારણોમાંનું એક છે, જેણે જન્મ સમયે મતદાનની ઉંમર પ્રાપ્ત કરનારા દરેક નાગરિકને મતદાન કરવાનો અધિકાર આપ્યો છે.