મણિપુરમાં CRPF બટાલિયન પર કુકી આતંકવાદીઓનો હુમલો, 2 જવાન શહીદ

મણિપુરના નરસેના વિસ્તારમાં શુક્રવારે મધ્યરાત્રિએ શરૂ થયેલા કુકી આતંકવાદીઓના હુમલામાં સેન્ટ્રલ રિઝર્વ પોલીસ ફોર્સ (CRPF)ના બે જવાનો શહીદ થયા હતા.

CRPF જવાનો પર કુકી આતંકવાદીઓએ મધ્યરાત્રીએ 2.15 સમયની આજુ બાજુ હુમલો કરાયો હતો. જીવ ગુમાવનારા સૈનિકો રાજ્યના બિષ્ણુપુર જિલ્લાના નરસેના વિસ્તારમાં તૈનાત CRPF 128 બટાલિયનના હતા.

બીજા તબક્કામાં 88 બેઠકો પર ચૂંટણી યોજાઈ હતી

ભારતના ચૂંટણી પંચની વોટર ટર્નઆઉટ એપ અનુસાર છેલ્લા અહેવાલ સુધી 78.78 ટકા મતદાન થયું હતું. અગાઉ, 19 એપ્રિલે પ્રથમ તબક્કાના મતદાન દરમિયાન હિંસાની અનેક ઘટનાઓ નોંધાયા બાદ 22 એપ્રિલે આંતરિક મણિપુર મતવિસ્તારમાં 11 મતદાન મથકો પર પુનઃ મતદાન યોજાયું હતું. 13 રાજ્યો અને કેન્દ્રશાસિત પ્રદેશોની 88 બેઠકો પર બીજા તબક્કાનું મતદાન સાંજે 6 વાગ્યે સમાપ્ત થયું.

મણિપુર પોલીસના એક્સ હેન્ડલ અનુસાર, સુરક્ષા દળોએ પહાડી અને ખીણ જિલ્લાના સરહદી અને સંવેદનશીલ વિસ્તારોમાં સર્ચ ઓપરેશન શરૂ કરી દીધું છે. NH-2 પર આવશ્યક ચીજવસ્તુઓ વહન કરતા 348 વાહનોની અવરજવર સુનિશ્ચિત કરવામાં આવી છે. તમામ સંવેદનશીલ સ્થળો પર સુરક્ષાના કડક પગલા લેવામાં આવ્યા છે. પહાડી અને ખીણ બંને જિલ્લાઓમાં કુલ 127 નાકા અને ચોકીઓ સ્થાપિત કરવામાં આવી છે. રાજ્યના વિવિધ જિલ્લાઓમાં પોલીસે 139 લોકોની અટકાયત કરી છે.