માનવ અધિકાર એવા સમાજમાં ખીલે છે જ્યાં કાયદાની સમાનતા હોય અને બધાને ન્યાય મળે: ઉપરાષ્ટ્રપતિ

આજે માનવ અધિકાર દિવસે દિલ્હી ખાતે ભારતમંડપનમાં વિશેષ કાર્યક્રમનું આયોજન કરવામાં આવ્યું છે. ઉપરાષ્ટ્રપતિ જગદીપ ધનખડે આ પ્રસંગે પોતાના વિચારો વ્યક્ત કર્યાં હતા. 

માનવ અધિકાર એવા સમાજમાં ખીલે છે જ્યાં કાયદાની સમાનતા હોય અને બધાને ન્યાય મળે ઉપરાષ્ટ્રપતિ જગદીપ ધનખડે  કહ્યું કે કાયદાથી ઉપર કોઈ નથી. "તમે કેટલીય ઊંચાઈ પર હોવ, કાયદો તમારાથી ઉપર છે" એ દેશમાં એક નવો આદર્શ અને એક નમૂનારૂપ પરિવર્તન છે!

એક નવા બદલાવ માટે પારદર્શિતા અને જવાબદાર શાસન, માનવ અધિકારને પ્રોત્સાહનનું નવું પરિમાણ છે માનવ અધિકારોનું પોષણ એ લોકશાહીની આધારશિલા છે. આપણા દેશમાં રાજ્યના તમામ અંગો: ધારાસભા, ન્યાયતંત્ર અને કારોબારીમાં આરોગ્યપ્રદ સંકલન છે. આપણને એવી ઇકોસિસ્ટમના ઉત્ક્રાંતિ પર ગર્વ હોવો જોઈએ જ્યાં માનવ અધિકારો હવે પહેલા ક્યારેય નહોતા વિકાસ પામ્યા તે રીતે વિકસી રહ્યાછે. માનવ અધિકાર અને ભ્રષ્ટાચાર એક સાથે ના રહી શકે. 

હવે ભારતમાં ભ્રષ્ટાચાર પ્રતિબંધિત છે. ભ્રષ્ટાચાર સીધી રીતે માનવ અધિકાર માટે ખતરો ઊભો કરે છે અને ભ્રષ્ટાચારને કારણે શોષણ અને ભેદભાવ ખીલી શકે નહીં. વૈશ્વિક સંસ્થાઓએ તેની નોંધ લેવી જોઈએ. તેમણે કહ્યું કે તમામ નાગરિકોને સરકારી પહેલોનો લાભ મળે તેના કરતાં વધુ સમાવિષ્ટ શું હોઈ શકે? મહિલાઓને હવે ગેસ કનેક્શન, ઘરઆંગણે પાણી, દરેક ઘરમાં શૌચાલય અને તેમની પ્રતિભાનો ઉપયોગ કરવાની વિપુલ તકો ઉપલબ્ધ છે.