માહિતી અને પ્રસારણ મંત્રાલયે અયોધ્યામાં રામલલ્લા પ્રાણ પ્રતિષ્ઠાના સંદર્ભમાં એડવાઇઝરી જાહેર કરી

માહિતી અને પ્રસારણ મંત્રાલયે અયોધ્યામાં રામલલ્લા પ્રાણ પ્રતિષ્ઠાના સંદર્ભમાં એડવાઇઝરી જાહેર કરી, ખોટી ચાલાકીથી ભરેલ,સાંપ્રદાયિક સામગ્રીથી દૂર રહેવા સોશિયલ મીડિયા પ્લેટફોર્મને સલાહ અપાઈ

22 જાન્યુઆરી, 2024ના રોજ અયોધ્યામાં રામ લલ્લા પ્રાણ પ્રતિષ્ઠાની સમગ્ર ભારતમાં યોજાનારી ઉજવણીના સંદર્ભમાં ભારત સરકારના માહિતી અને પ્રસારણ મંત્રાલયે અવલોકન કર્યું છે કે કેટલાક અપ્રમાણિત, ઉશ્કેરણીજનક અને બનાવટી સંદેશા ફેલાવવામાં આવી રહ્યા છે. ખાસ કરીને સોશિયલ મીડિયા પર જે સાંપ્રદાયિક સુમેળ અને જાહેર વ્યવસ્થાને ખલેલ પહોંચાડી શકે છે. જેને ધ્યાનમાં રાખીને મંત્રાલયે આજે 20 જાન્યુઆરી, 2024ના રોજ, એક એડવાઇઝરી જાહેર કરી છે. અખબારો, ટેલિવિઝન ચેનલો, ડિજિટલ ન્યૂઝ પબ્લિશર્સ અને સોશિયલ મીડિયા પ્લેટફોર્મ્સને સલાહ આપવામાં આવી છે કે તેઓ એવી કોઈપણ સામગ્રી પ્રકાશિત કરવા અથવા પ્રસારિત કરવાથી દૂર રહે જે ખોટી અથવા ચાલાકીવાળી હોઈ શકે છે અથવા દેશમાં સાંપ્રદાયિક સુમેળ અથવા જાહેર વ્યવસ્થાને ખલેલ પહોંચાડવાની સંભાવના ધરાવે છે. તદુપરાંત, તેમની યોગ્ય ખંતની જવાબદારીઓના ભાગરૂપે, સોશિયલ મીડિયા પ્લેટફોર્મ્સને ઉપર જણાવેલ પ્રકૃતિની માહિતીને હોસ્ટ, પ્રદર્શિત અથવા પ્રકાશિત ન કરવા માટે વાજબી પ્રયત્નો કરવાની સલાહ આપવામાં આવી છે.