રાજનાથ સિંહની તબિયતમાં સુધારો, હોસ્પિટલમાંથી રજા મળવાની શક્યતા

રક્ષા મંત્રી રાજનાથ સિંહની તબિયત હવે પહેલા કરતા સારી છે. ખરાબ તબિયતના કારણે રક્ષા મંત્રીને ઓલ ઈન્ડિયા ઈન્સ્ટીટ્યુટ ઓફ મેડિકલ સાયન્સ (AIIMS) દિલ્હીમાં દાખલ કરવામાં આવ્યા હતા. રાજનાથ સિંહ એમ્સના પ્રાઈવેટ વોર્ડમાં દાખલ છે. તેમની તબિયતમાં સુધારાને જોતા તેમને આજે જ હોસ્પિટલમાંથી રજા આપવામાં આવી શકે છે.

મળતી માહિતી મુજબ, કમરના દુખાવાની ફરિયાદ બાદ તેમને એઈમ્સમાં લઈ જવામાં આવ્યા હતા. અહીં તેઓ ન્યુરોસર્જનની દેખરેખ હેઠળ સારવાર લઈ રહ્યા હતા. કમરમાં તાણને કારણે રાજનાથ સિંહની તબિયત લથડી હતી. ગુરુવારે સવારે 3 વાગ્યે તેની પીઠનો દુખાવો વધી ગયો હતો. આ પછી તેમને એઈમ્સમાં લઈ જવામાં આવ્યા હતા. અહીં, ડૉક્ટરોની સલાહ પર, તેમને હોસ્પિટલના ખાનગી વોર્ડમાં દાખલ કરવામાં આવ્યા છે. એમ્સમાં ન્યુરો સર્જનની દેખરેખ હેઠળ તેની સારવાર ચાલી રહી છે.

આ દરમિયાન તેમના તમામ જરૂરી ટેસ્ટ પણ હોસ્પિટલમાં કરવામાં આવ્યા છે. એવું કહેવામાં આવી રહ્યું છે કે તેમને પીઠમાં દુખાવો થયો હતો. ઘણા દિવસોથી પીડા હોવા છતાં, તે તેમના તમામ કામ નિયમિતપણે કરી રહ્યા હતા. પરંતુ, જ્યારે દુખાવો વધી ગયો તો તેમને હોસ્પિટલમાં દાખલ કરવા પડ્યા. જોકે, હવે એવું કહેવામાં આવી રહ્યું છે કે રાજનાથ સિંહની તબિયત પહેલા કરતા સારી છે.

ઉલ્લેખનીય છે કે રાજનાથ સિંહ ભારતીય જનતા પાર્ટીના વરિષ્ઠ નેતાઓમાંથી એક છે. તેઓ ભારતીય જનતા પાર્રીના રાષ્ટ્રીય અધ્યક્ષ અને મોદી સરકારમાં કેન્દ્રીય ગૃહ મંત્રી પણ રહી ચુક્યા છે. આ સિવાય રાજનાથ સિંહ ઉત્તર પ્રદેશના મુખ્યમંત્રી અને પૂર્વ વડાપ્રધાન અટલ બિહારી વાજપેયીની સરકારમાં કેન્દ્રીય મંત્રી રહી ચૂક્યા છે. રાજનાથ સિંહનો જન્મદિવસ પણ આ મહિનામાં હતો.