રાયબરેલી અને અમેઠી સીટ પર કોંગ્રેસે ઉમેદવાર જાહેર કર્યા, રાહુલ ગાંધી રાયબરેલીથી ઉમેદવાર

કોંગ્રેસ દ્વારા બહુ ચર્ચિત અમેઠી અને રાયબરેલી બેઠક પર ઉમેદવારો જાહેર કરીને ચર્ચાઓ પર પૂર્ણ વિરામ મુકવામાં આવ્યો છે.

કોંગ્રેસ દ્વારા બહુ ચર્ચિત અમેઠી અને રાયબરેલી બેઠક પર ઉમેદવારો જાહેર કરીને ચર્ચાઓ પર પૂર્ણ વિરામ મુકવામાં આવ્યો છે. જેમાં રાયબરેલી સીટ પરથી રાહુલ ગાંધીને મેદાનમાં ઉતારવામાં આવ્યા છે. જયારે અમેઠીની બેઠકની કમાન કિશોરી લાલ શર્માને સોંપવામાં આવી છે. તો બીજી તરફ ભાજપાએ રાયબરેલીથી દિનેશ પ્રતાપસિંહને મેદાનમાં ઉતાર્યા છે. તો અમેઠીથી ભાજપ ઉમેદવાર સ્મૃતિ ઈરાનીએ ઉમેદવારી નોંધાવી છે. આ બેઠકો પર 20 મેના રોજ થવા વાળી લોકસભાની ચૂંટણી માટે આજે ઉમેદવારી પત્ર ભરવાનો અંતિમ દિવસ છે. જેટલા દળોના ઉમેદવારોને ઉમેદવારી પત્ર ભરવાનું બાકી છે, તેઓ આજે બપોરે 3 વાગ્યા સુધી ઉમેદવારી નોંધાવી શકશે.