આજે અમિત શાહ કર્ણાટક, મહારાષ્ટ્ર અને ગોવામાં જ્યારે જે.પી નડ્ડા ગુજરાતમાં ચૂંટણી પ્રચાર સભાઓ સંબોધશે

લોકસભાની ચૂંટણીને અનુલક્ષીને ભાજપનો પ્રચાર જોર-શોર થી ચાલી રહ્યો છે ત્યારે કેન્દ્રિય ગૃહ મંત્રી અને ભાજપના સ્ટાર પ્રચારક અમિત શાહ આજે ત્રણ રાજ્યોમાં પ્રચાર કરશે.

લોકસભાની ચૂંટણીને અનુલક્ષીને ભાજપનો પ્રચાર જોર-શોર થી ચાલી રહ્યો છે ત્યારે કેન્દ્રિય ગૃહ મંત્રી અને ભાજપના સ્ટાર પ્રચારક અમિત શાહ આજે ત્રણ રાજ્યોમાં પ્રચાર કરશે. તેઓ આજે કર્ણાટક, મહારાષ્ટ્ર અને ગોવામાં ચાર ચૂંટણી પ્રચાર કરશે. સૌ પ્રથમ તેઓ કર્ણાટકના ચોક્કોડી લોકસભા મત વિસ્તારમાં સભા કરશે. ત્યારબાદ મહારાષ્ટ્રની રત્નાગીરી - સિંધદુર્ગમાં સભા કરશે. સાંજે તેઓ મહારાષ્ટ્રની અન્ય એક સાંગલી લોકસભા બેઠકના ઉમેદવારના સમર્થનમાં સભા કરશે. અને સાંજે 6:૩૦ કલાકની આસપાસ નોર્થ ગોવામાં ચૂંટણી સભા કરશે.

ભાજપના રાષ્ટ્રીય અધ્યક્ષ જે.પી.નડ્ડા આજે ગુજરાતમાં ચૂંટણી પ્રચાર કરશે. સૌ પ્રથમ તેઓ દાહોદમાં જનસભા કરશે. ત્યાર બાદ તેઓ અમદાવાદમાં મતદાતાઓને રીઝવવાનો પ્રયાસ કરશે. બાદમાં તેઓ કચ્છના ગાંધીધામ પહોંચશે. જ્યાં તેઓ ગાંધી માર્કેટથી ઝંડા ચોક સુધી રોડ-શો કરશે. દિવસના અંતમાં મતદાતાઓ સાથેના સંવાદ કાર્યક્રમમાં ભાગ લેશે.