રાષ્ટ્રીય ફિલ્મ પુરસ્કાર , ન્યુટનને મળ્યો શ્રેષ્ઠ હિન્દી ફિલ્મનો એવોર્ડ , શ્રેષ્ઠ ગુજરાતી ફિલ્મનો એવોર્ડ મનીષ સૈનીની ફિલ્મ "ઢ" ને

મોમ ફિલ્મ માટે શ્રીદેવીને શ્રેષ્ઠ અભિનેત્રીનો એવોર્ડ , બાહુબલિ-2 બેસ્ટ પોપ્યુલર

આજે રાષ્ટ્રીય ફિલ્મ પુરસ્કારોની જાહેરાત કરવામાં આવી..રાષ્ટ્રીય ફિલ્મ પુરસ્કાર કમિટિના ચેરમેન શેખર કપૂરે ભારતની અલગ અલગ ભાષાઓની ફિલ્મો માટે એવોર્ડની જાહેરાત કરી હતી.
બોલિવુડ ફિલ્મોમાં વિશેષ યોગદાન માટે 65મા રાષ્ટ્રીય ફિલ્મ એવોર્ડ્સ 2018ની જાહેરાત કરવામાં આવી રહી છે. ભારત સરકાર તરફથી આપવામાં આવતા આ પુરસ્કારોમાં બોલિવુડ એક્ટર રાજકુમાર રાવની ફિલ્મ 'ન્યુટન'ને બેસ્ટ હિંદી ફિલ્મ જાહેર કરવામાં આવી છે. ન્યુટન ફિલ્મ માટે એક્ટર પંકજ ત્રિપાઠીને સ્પેશિયલ મેન્શન એવોર્ડ આપવામાં આવ્યો છે. શ્રીદેવી ફિલ્મ 'મોમ' માટે બેસ્ટ એક્ટર (ફીમેલ)નો એવોર્ડ મળ્યો છે. 'બાહુબલ- ધ કન્ક્લુઝન' ફિલ્મને બેસ્ટ પોપ્યુલર ફિલ્મ પ્રોવાઇડિંગ હોલસમ એન્ટરટેઇન્મેન્ટનો એવોર્ડ આપવામાં આવ્યો છે.