રેલવે મંત્રી અશ્વિની વૈષ્ણવે રેલવે કામગીરીની સમીક્ષા કરી, ફસાયેલા મુસાફરો માટે ખાસ ટ્રેનો ચલાવવામાં આવી

રેલવે મંત્રાલય દ્વારા જાહેર કરાયેલા એક નિવેદન અનુસાર રેલવે મંત્રીએ જમ્મુ, ચંદીગઢ અને સરહદી વિસ્તારોમાં ફસાયેલા મુસાફરો માટે ખાસ ટ્રેનો ચલાવવાનો આદેશ આપ્યો છે. તેમણે એમ પણ કહ્યું કે, રેલવેએ અન્ય સરકારી એજન્સીઓ સાથે સંકલન કરવું જોઈએ અને તાત્કાલિક રાહત પગલાં લેવા જોઈએ.રેલવે મંત્રીની સૂચના પર 9 મેના રોજ ચાર ખાસ ટ્રેનો ચલાવવામાં આવી હતી.

ભારત અને પાકિસ્તાન વચ્ચેના તણાવને કારણે ઉત્તર અને પશ્ચિમ ભારતના 32 એરપોર્ટ 9 મે 2025 થી 14 મે 2025 સુધી અસ્થાયી રૂપે બંધ કરવામાં આવ્યા હતા, જેના કારણે હજારો મુસાફરો જમ્મુ અને ચંદીગઢ જેવા એરપોર્ટ પર અટવાઈ ગયા હતા. આ પરિસ્થિતિને ધ્યાનમાં રાખીને રેલવે મંત્રી અશ્વિની વૈષ્ણવે રેલ કામગીરીની સમીક્ષા કરી અને અધિકારીઓને સામાન્ય લોકોની જરૂરિયાતોને ધ્યાનમાં રાખીને ખાસ ટ્રેનો ચલાવવાનો નિર્દેશ આપ્યો.

રેલવે મંત્રાલય દ્વારા જાહેર કરાયેલા એક નિવેદન અનુસાર રેલવે મંત્રીએ જમ્મુ, ચંદીગઢ અને સરહદી વિસ્તારોમાં ફસાયેલા મુસાફરો માટે ખાસ ટ્રેનો ચલાવવાનો આદેશ આપ્યો છે. તેમણે એમ પણ કહ્યું કે, રેલવેએ અન્ય સરકારી એજન્સીઓ સાથે સંકલન કરવું જોઈએ અને તાત્કાલિક રાહત પગલાં લેવા જોઈએ.રેલવે મંત્રીની સૂચના પર 9 મેના રોજ ચાર ખાસ ટ્રેનો ચલાવવામાં આવી હતી. પહેલી ખાસ ટ્રેન નં. ૦૪૬૧૨ સવારે ૧૦:૪૫ વાગ્યે જમ્મુ સ્ટેશનથી નીકળી જેમાં ૧૨ બિન-અનામત અને ૧૨ અનામત કોચ હતા. બીજી ટ્રેન વંદે ભારત એક્સપ્રેસ ઉધમપુરથી બપોરે 12:45 વાગ્યે નીકળી અને જમ્મુ અને પઠાણકોટ થઈને નવી દિલ્હી પહોંચી. ૨૨ LHB કોચ સાથેની ત્રીજી ખાસ ટ્રેન જમ્મુ સ્ટેશનથી સાંજે ૭:૦૦ વાગ્યે રવાના થઈ.

ચોથી વંદે ભારત સ્પેશિયલ ટ્રેન બીસીસીઆઈની વિનંતી પર ચલાવવામાં આવી હતી, જે આઈપીએલ ખેલાડીઓ અને અધિકારીઓને નવી દિલ્હી લઈ જતી હતી. આ ટ્રેન જમ્મુથી બપોરે ૩:૩૦ વાગ્યે નીકળી હતી. આ ઉપરાંત શુક્રવારે રાત્રે ૧૧:૫૫ વાગ્યે જમ્મુથી ગુવાહાટી માટે બીજી એક અનરિઝર્વ્ડ સ્પેશિયલ ટ્રેન દોડાવવામાં આવશે, જે યુપી અને બિહાર થઈને જશે. અગાઉ, એરપોર્ટ ઓથોરિટી ઓફ ઈન્ડિયા (AAI) અને ઉડ્ડયન એજન્સીઓએ એક નોટિસ જાહેર કરીને નાગરિક વિમાન સંચાલન માટે 32 એરપોર્ટને કામચલાઉ બંધ કરવાની જાહેરાત કરી હતી. તેમાં જમ્મુ, શ્રીનગર, અમૃતસર, ચંદીગઢ, પઠાણકોટ, જેસલમેર, લેહ, ભુજ, રાજકોટ, બિકાનેર, અમરાવતી, કંડલા અને મનાલી (ભુંતર) જેવા મહત્વના એરપોર્ટનો સમાવેશ થાય છે.