લોકસભા ચૂંટણીના ત્રીજા તબક્કા માટે પ્રચાર પડઘમ શાંત, રાજ્યની તમામ 25 સીટો પર 7મી મેએ થશે મતદાન

લોકસભા ચૂંટણીના ત્રીજા તબક્કાના પ્રચાર પડઘમ શાંત. ત્રીજા તબક્કામાં 7મી મેએ 10 રાજ્યો અને 1 કેન્દ્રશાસિત પ્રદેશની 93 બેઠકો પર મતદાન થશે. આ 93 બેઠક પર મતદારોને રીઝવવા માટે તમામ પક્ષોએ પોતાની પૂરી તાકાત લગાવી દીધી છે. 

ત્રીજા તબક્કામાં ઉત્તર પ્રદેશની 10 લોકસભા સીટો પર મતદાન થવાનું છે. આ 10 સીટોમાં સંભલ, હાથરસ, આગ્રા, ફતેહપુર-સીકરી, ફિરોઝાબાદ, મૈનપુરી, એટાહ, બદાયુન, અમલા અને બરેલી સીટ સામેલ છે. સૌ કોઈની નજર સમાજવાદી પાર્ટીના ગઢ ગણાતી મૈનપુરી સીટ પર છે. સપાએ અહીંથી અખિલેશ યાદવની પત્ની રિપલ યાદવને ચૂંટણીમેદાનમાં ઉતાર્યા છે. આ તબક્કામાં ગુજરાતની 25 લોકસભા બેઠકો પર પણ મતદાન થશે. આ ઉપરાંત કર્ણાટકમાં 14, મહારાષ્ટ્રમાં 11, મધ્ય પ્રદેશમાં 9, છત્તીસગઢમાં 7, બિહારમાં 5, આસામ અને પશ્ચિમ બંગાળમાં 4-4 અને ગોવા, દાદરા અને નગરહવેલી અને દમણ અને દીવની 2-2 બેઠકો પર પણ મતદાન થશે.